Albert Guð­munds­son er nú aftur marka­hæstur Ís­lendinga í Seríu A

Albert skoraði eina mark leiksins á 35. mínútu þegar Genoa vann sigur á Salernitana á heimavelli sínum.

Albert var þá enn á ný að nýta sér svæðið á milli varnar og miðju mótherjanna. Hann lék upp að teignum og afgreiddi boltann laglega niður í bláhornið.

Þetta var fjórða mark Alberts á þessu tímabili sem er bæting á meti sem hann hafði slegið með sínu þriðja marki fyrr í vetur en um leið var þetta hans fimmta mark á ferlinum í Seríu A.

Með því jafnaði hann markamet Emils Hallfreðssonar sem skoraði fimm mörk í Seríu A frá 2009 til 2019.

Albert og Emil eru nú þeir Íslendingar sem hafa skorað flest mörk í Seríu A.

Albert Guðmundsson á nú aftur markametið því langafi hans Albert Guðmundsson var fyrsti Íslendingurinn til að skora í ítölsku deildinni og var markahæstur þar til að Emil tók metið af honum árið 2014.