Erlent

Leggja lokadrög að sam­komu­lagi um mannúðarhlé gegn lausn gísla

Hólmfríður Gísladóttir skrifar
Börn og fullorðnir bíða þess að matvælum sé dreift í Rafah í suðurhluta Gasa.
Börn og fullorðnir bíða þess að matvælum sé dreift í Rafah í suðurhluta Gasa. AP/Hatem Ali

Viðræður standa yfir um þriggja daga mannúðarhlé á árásum Ísraelshers á Gasa gegn því að Hamas sleppi um tug gísla sem samtökin hafa í haldi. Frá þessu greinir Associated Press og hefur eftir fjórum ónafngreindum heimildarmönnum.

Tveir þeirra eru embættismenn í Egyptalandi, einn er starfsmaður Sameinuðu þjóðanna og sjá fjórði sendifulltrúi ónefnds ríkis.

Hléið yrði nýtt til að koma meiri hjálpargögnum til íbúa Gasa, meðal annars einhverju magni eldsneytis. 

Heimildarmennirnir segja stjórnvöld í Egyptalandi, Katar og Bandaríkjunum hafa átt milligöngu í viðræðunum. Samkvæmt öðrum Egyptanum er unnið að lokaútgáfu samkomulags.

Háttsettur embættismaður í Bandaríkjunum segir þarlend stjórnvöld ekki hafa lagt til ákveðinn tímaramma varðandi hléið en lagt til að lengd þess verði bundin við fjölda gísla sem verður sleppt.

Ef það yrði ofan á yrði hægt að „endurnýta“ samkomulagið til að semja um fleiri hlé gegn lausn fleiri gísla.

Ísrael Palestína Hernaður Átök í Ísrael og Palestínu

Mest lesið


Fleiri fréttir

Sjá meira


×

Mest lesið