Íslenska liðið mætir Wales og Danmörku á útivelli í þessum tveimur leikjum sem fara fram föstudaginn 1. desember og þriðjudaginn 5. desember.
Íslensku stelpurnar unnu fyrsta leik sinn í keppninni á móti Wales á Laugardalsvellinum en hafa síðan tapað þremur leikjum í röð með markatölunni 0-7.
Þorsteinn velur tvo nýja markmenn í hópinn en þær Fanney Inga Birkisdóttir og Guðný Geirsdóttir koma inn fyrir Söndru Sigurðardóttur og Aldísi Guðlaugsdóttur sem voru varamarkmenn Telmu Ívarsdóttur í síðasta landsliðsglugga.
Framherjinn Ólöf Sigríður Kristinsdóttir kemur líka aftur inn í hópinn en hún hefur verið að gera flotta hluti með Harvard í bandaríska háskólafótboltanum. Arna Eiríksdóttir er ekki valin að þessu sinni.
Hópinn má sjá hér fyrir neðan.
Þorsteinn Halldórsson hefur valið hóp A landsliðs kvenna fyrir komandi leiki gegn Wales og Danmörku í Þjóðadeildinni.
— Knattspyrnusambandið (@footballiceland) November 17, 2023
Leikirnir fara fram 1. og 5. desember og eru þetta tveir síðustu leikir liðsins í keppninni.#dottir pic.twitter.com/FAPBY72D7n
-
Markmenn:
- Telma Ívarsdóttir - Breiðablik - 8 leikir
- Guðný Geirsdóttir - ÍBV
- Fanney Inga Birkisdóttir - Valur
-
Aðrir leikmenn:
- Guðný Árnadóttir - AC Milan - 23 leikir
- Ingibjörg Sigurðardóttir - Valerenga - 56 leikir
- Glódís Perla Viggósdóttir - Bayern Munich - 118 leikir, 10 mörk
- Guðrún Arnardóttir - FC Rosengård - 31 leikur, 1 mark
- Arna Sif Ásgrímsdóttir - Valur - 17 leikir, 1 mark
- Sædís Rún Heiðarsdóttir - Stjarnan - 3 leikir
- Berglind Rós Ágústsdóttir - Valur - 8 leikir, 1 mark
- Alexandra Jóhannsdóttir - ACF Fiorentina - 37 leikir, 4 mörk
- Hildur Antonsdóttir - Fortuna Sittard - 9 leikir
- Lára Kristín Pedersen - Valur - 3 leikir
- Karólína Lea Vilhjálmsdóttir - Bayer 04 Leverkusen - 33 leikir, 8 mörk
- Selma Sól Magnúsdóttir - Rosenborg - 32 leikir, 4 mörk
- Amanda Jacobsen Andradóttir - Valur - 17 leikir, 2 mörk
- Agla María Albertsdóttir - Breiðablik - 57 leikir, 4 mörk
- Bryndís Arna Níelsdóttir - Valur - 2 leikir
- Sandra María Jessen - Þór/KA - 37 leikir, 6 mörk
- Hlín Eiríksdóttir - Kristianstads DFF - 30 leikir, 4 mörk
- Hafrún Rakel Halldórsdóttir - Breiðablik - 8 leikir, 1 mark
- Diljá Ýr Zomers - OH Leuven - 8 leikir
- Ólöf Sigríður Kristinsdóttir - Þróttur R. - 3 leikir, 2 mörk