Handbolti

Ofurtölvan telur Magdeburg eiga þrettán prósent mögu­leika að verja titilinn

Ingvi Þór Sæmundsson skrifar
Gísli Þorgeir Kristjánsson var valinn besti leikmaður úrslitahelgarinnar í Meistaradeild Evrópu á síðasta tímabili.
Gísli Þorgeir Kristjánsson var valinn besti leikmaður úrslitahelgarinnar í Meistaradeild Evrópu á síðasta tímabili. getty/Marius Becker

Samkvæmt útreikningum tölfræðisérfræðingsins Julians Rux á Handballytics á Barcelona mesta möguleika á að vinna Meistaradeild Evrópu í handbolta.

Ofurtölva Rux telur Börsunga eiga 37,6 prósent möguleika á að verða Evrópumeistara.

Barcelona komst í úrslit Meistaradeildarinnar á síðasta tímabili en tapaði fyrir Magdeburg með Gísla Þorgeir Kristjánsson fremstan í flokki.

Samkvæmt útreikningum ofurtölvunnar eiga Gísli, Ómar Ingi Magnússon, Janus Daði Smárason og félagar í Magdeburg 12,9 prósent möguleika á að verja titilinn.

Næstlíklegasta liðið til að vinna Meistaradeildina er Veszprém sem Bjarki Már Elísson leikur með. Ofurtölvan gefur ungversku meisturunum 16,4 prósent möguleika á sigri í Meistaradeildinni.

Möguleikar Hauks Þrastarsonar og félaga í Kielce eru aðeins taldir 4,4 prósent. Það er samt töluvert meira en Kolstad, sem Sigvaldi Guðjónsson leikur með. Samkvæmt útreikningum ofurtölvunnar eru möguleikar Noregsmeistaranna bara 0,8 prósent.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið