Segja frum­varp gegn verk­falls­að­gerðum flug­um­ferðar­stjóra til­búið

Frá þessu greinir Morgunblaðið og hefur eftir ónafngreindum heimildum. Blaðið segir Sigurð Inga Jóhannsson innviðaráðherra hins vegar ekki hafa viljað staðfesta fregnirnar.

„Þess­um aðilum skal vera ljóst að það er eng­inn sér­stak­ur skiln­ing­ur meðal þjóðar­inn­ar á því að það sé skyn­sam­legt að vera í verk­falli rétt fyr­ir jól í kjöl­farið á nátt­úru­ham­förum sem hafa kostað sam­fé­lagið um­tals­vert. Fólk hlýt­ur að átta sig á því að það ber ábyrgð,“ hefur Morgunblaðið eftir Sigurði Inga.

„Ég held að sam­fé­lagið standi ekki sam­an um þetta verk­fall og þess vegna aug­ljóst að þess­ir aðilar eiga að setj­ast niður og semja. Þetta er síðasti samn­ing­ur­inn í lotu sem hófst fyr­ir meira en ári og all­ir hafa hingað til samið um kjör inn­an ákveðins bils og það hlýt­ur að vera það sem menn ættu að vera að tala um,“ segir ráðherra.

Morgunblaðið segist hafa heimildir fyrir því að víðtækur stuðningur sé við frumvarpið meðal þingmanna.