Sport

Luke Littler yngstur allra í 16-manna úr­slit

Siggeir Ævarsson skrifar
Luke Littler heldur áfram að slá í gegn
Luke Littler heldur áfram að slá í gegn Vísir/Getty

Ekkert lát virðist ætla að verða á góðu gengi hins 16 ára Luke Littler á HM í pílukasti en hann tryggði sér í kvöld farseðil í 16-manna úrslit og varð um leið yngsti keppandinn sem nær svo langt á mótinu.

Littler mætti hinum kanadíska Matt Campbell í kvöld og fór með nokkuð öruggan 4-1 sigur af hólmi eftir að hafa unnið fyrstu þrjú settin.

Önnur úrslit kvöldsins voru nokkurn veginn eftir bókinni. Hinn hollenski Michael van Gerwen, margfaldur meistari og númer tvö á heimslistanum, vann 4-0 yfirburðasigur á landa sínum Richard Veenstra.

Í síðustu viðureign kvöldsins tókst Englendingurinn og ríkjandi heimsmeistarinn, Michael Smith, á við Madars Razma frá Lettlandi. Heimsmeistarinn átti ekki í miklum erfiðleikum með Razma og lokaði viðureigninni 4-1.

Keppnin í 16-manna úrslitum hefst strax á morgun og verður í beinni útsendingu á Vodafone Sport.

Pílukast

Tengdar fréttir

Mest lesið


Fleiri fréttir

Sjá meira


×

Mest lesið