Nýjasta heilsuæðið

Næringarþerapistinn Inga Kristjánsdóttir er að slá í gegn með námskeiðum sínum þar sem hún hjálpar fólki að jafna blóðsykurssveiflur og minnka löngun í sykur.

Núna eftir mikið sykur og kolvetnaát um hátíðirnar er gott að fá leiðbeiningar frá næringarráðgjafa.

Enginn matur er bannaður og þetta er enginn megrunarkúr en lögð er áhersla á samsetningu fæðunnar. Og fólk grennist yfirleitt þegar það hefur lært hvenær og hvernig á að setja saman matinn. Vala Matt fór fyrir Ísland í dag og kannaði málið og ræddi við Ingu í innslagi gærkvöldsins.

Hér að neðan má sjá brot úr innslagi gærkvöldsins en áskrifendur geta séð það í heild sinni á Stöð 2+ og í frelsiskerfi Stöðvar 2.