Innlent

Börn voru í hinum bílnum

Kristín Ólafsdóttir skrifar
Slysið varð á Þjóðvegi 1, skammt vestan við afleggjarann að Skaftafelli.
Slysið varð á Þjóðvegi 1, skammt vestan við afleggjarann að Skaftafelli. Vísir/Sara Rut

Lögregla á Suðurlandi rannsakar enn tildrög banaslyss sem varð á þjóðveginum við Skaftafell í gærmorgun. Börn eru á meðal þeirra sex sem flutt voru með þyrlu á Landspítalann í Fossvogi eftir slysið.

Tveir erlendir ferðamenn létust þegar tveir bílar skullu saman við afleggjarann að Skaftafelli. Sex voru fluttir með þyrlu til aðhlynningar í Reykjavík en ekki er talið að fólkið sé mikið slasað, að sögn Sveins Kristjáns Rúnarssonar, yfirlögregluþjóns á Suðurlandi.

Þriðji ferðamaðurinn, sem var með hinum látnu í bíl, lifði slysið af. Þeir tengjast fjölskylduböndum. Fimm Íslendingar voru í hinum bílnum, þar á meðal börn. Eins og áður segir er ekki talið að þau, eða aðrir sem komust lífs af, séu mikið slösuð. Fram hefur komið að hált var á slysstað þegar áreksturinn varð.

Samgönguslys Lögreglumál Landhelgisgæslan

Tengdar fréttir

Tveir létust í slysinu

Tveir erlendir ferðamenn létust í alvarlegu umferðarslysi sem varð laust fyrir klukkan tíu í morgun á Þjóðvegi 1 skammt vestan við afleggjarann að Skaftafelli. Tvær bifreiðar sem komu úr gagnstæðum áttum skullu saman, en mikil ísing var á vettvangi. Þetta kemur fram í tilkynningu frá lögreglunni á Suðurlandi.

Sex fluttir með þyrlum til Reykjavíkur

Sex af þeim átta sem slösuðust í árekstri á hringveginum nærri Svínafellsjökli eru á leiðinni til Reykjavíkur með tveimur þyrlum Landhelgisgæslunnar. Von er á þeim á Landspítalann í Fossvogi upp úr klukkan eitt.

Hált á vettvangi árekstursins

Yfirlögregluþjónn á Suðurlandi segir mikla hálku vera við Skaftafell þar sem tveir fólksbílar skullu saman í morgun og átta slösuðust. Tveir eru alvarlega slasaðir og fólkið hefur enn ekki verið flutt á sjúkrahús.

Mest lesið


Fleiri fréttir

Sjá meira


×

Mest lesið