Í síðustu viku var greint frá því að Hamilton hafi samið við Ferrari og mynda ganga í raðir liðsins eftir næsta tímabil. Hann hefur ekið fyrir Mercedes síðan 2013 en þar áður var hann liðsmaður McLaren. Hamilton hefur sjö sinnum orðið heimsmeistari. Hann tekur sæti Carlos Sainz hjá Ferrari.
Aðeins viku áður en Ferrari tilkynnti um komu Hamiltons greindi liðið frá því að það hefði framlengt samning Leclercs. Hann hefur ekið fyrir Ferrari síðan 2019.
Samkvæmt heimildum Carriere dello Sport voru Leclerc og félagar ekki ánægðir þegar þeir heyrðu af komu Hamiltons. Leclerc ku hafa verið vonsvikinn og í áfalli yfir ákvörðun Ferrari og hún kom honum algjörlega í opna skjöldu.
Leclerc vann ekki eina einustu keppni á síðasta tímabili. Ferrari hefur ekki unnið heimsmeistaratitil ökuþóra síðan Kimi Raikkonen varð meistari 2007. Ári síðar vann Ferrari heimsmeistaratitil bílasmiða en liðið hefur ekki unnið hann síðan þá.
