Sara best og danskur meistari: Brá þegar þjálfarinn kallaði en fékk mikið hrós Sindri Sverrisson skrifar 23. apríl 2024 10:01 Sara Ósk Stefánsdóttir, númer 10, hleypur með liðsfélögum sínum og fagnar því að hafa unnið danska meistaratitilinn. Mynd/@danskvolley Þegar neyðin var stærst, í úrslitaeinvígi um danska meistaratitilinn í blaki, kallaði þjálfari Holte á Söru Ósk Stefánsdóttur. Henni brá, hafði lítið sem ekkert spilað í úrslitakeppninni, en svaraði kallinu með því að vera best á vellinum í hádramatískum úrslitaleik við ASV Elite. Holte hafði þurft að sætta sig við tap í bikarúrslitaleik liðanna í febrúar. Sara og liðsfélagar hennar voru því í hefndarhug í einvíginu um danska meistaratitilinn, höfðu unnið tvo leiki og þurftu einn sigur í viðbót þegar liðin mættust í Kaupmannahöfn á sunnudaginn. Þar lenti lið Holte hins vegar í stórri holu, og með ólíkindum hvernig liðið bjargaði sér en þar munaði miklu um Söru. „Allt í smá þoku“ „Þær unnu frekar stórt fyrstu tvær hrinurnar og voru mikið yfir í þriðju hrinunni, 18-12 og 19-14, og það sást alveg á okkar liði. Það voru allar bara: „ohh, sjitt, við erum að fara til Aarhus aftur“. Ég var alla vega farinn að hugsa það. En svo fæ ég að fara inn á. Þetta er allt í smá þoku en við náðum að rífa okkur í gang og jafna í 19-19, og vinna hrinuna 25-23. Þá fann ég að liðið var komið í gang og þetta rúllaði vel eftir það,“ segir Sara í samtali við Vísi. „Ótrúlega sætt að vinna þær“ Holte vann svo fjórðu hrinuna af öryggi og oddahrinuna 15-9, sem tryggði liðinu gullverðlaunin. Sannarlega mögnuð endurkoma. View this post on Instagram A post shared by ᴠᴏʟʟᴇʏʙᴀʟʟ ᴅᴀɴᴍᴀʀᴋ (@volleyballdanmark) „Það virtust allar svona aðeins hafa misst trúna á tímabili en við erum búnar að vinna mikið í hugarfarinu og ég held að það hafi hjálpað mikið. Við tölum oft um það að „refuse to lose“, neita að tapa, og höfðum þetta á þrjóskunni og viljanum til að klára þetta á heimavelli. Þetta var ótrúlega sætt. Við urðum bikarmeistarar í fyrra en töpuðum svo í bikarúrslitaleiknum í ár, gegn þessu sama liði. Þetta eru mjög jöfn lið og alltaf ótrúlega mikil spenna á milli okkar, þannig að það var ótrúlega sætt að vinna þær,“ segir Sara. Brá þegar þjálfarinn kallaði á hana Rétt eins og í bikarúrslitaleiknum í fyrra var hún valin maður leiksins á sunnudaginn. Skín íslenska landsliðskonan alltaf skærast í stærstu leikjunum? „Þetta er dálítið fyndið því ég er búin að vera að berjast fyrir því að fá meiri spilatíma og það er mjög mismunandi hvað ég spila mikið. Ég spila miðju og við erum þrjár mjög sterkar þar, svo þetta er mikil samkeppni. Ég hef fengið að spila slatta mikið í vetur en eftir bikarúrslitaleikinn í febrúar hefur hann minnkað, og ég hafði eiginlega ekkert spilað í þessari úrslitakeppni. Svo í gær kallaði þjálfarinn allt í einu á mig, og mér brá svolítið því ég var ekkert að búast við því að fá að fara inn á miðað við síðustu leiki. En ég fékk mikið hrós frá fólki í stúkunni sem sagði að það hefði séð miklar breytingar þegar ég kom inn á. Liðið hefði fengið mikinn kraft og orku, en á sama tíma ró. Ég var mjög ánægð með þetta hrós. Ég er greinilega góð í að koma inn á í svona stórum leikjum og snúa þeim við,“ segir Sara hlæjandi. Sara Ósk Stefánsdóttir fyrir miðju, komin með gullmedalíuna um hálsinn sem danskur meistari.Mynd/@danskvolley Landsleikir í Silfurdeildinni Samhliða blakinu sinnir Sara sjúkraþjálfunarnámi sem hún hóf í febrúar. Hún spilaði fyrir HK hér á landi en ákvað sumarið 2021 að flytja til Danmerkur og spilaði fyrst í Óðinsvéum, áður en hún skipti yfir til Holte. Þar var Sara að klára sitt annað tímabil. „Ég veit ekki enn hvað ég geri varðandi næsta tímabil. Mér finnst líklegt að ég verði áfram í Holte en ég ætla að skoða það og ræða við þjálfarann áður en ég tek endanlega ákvörðun.“ Sara Ósk Stefánsdóttir átti frábæra innkomu í leikinn sem tryggði Holte danska meistaratitilinn.Mynd/@danskvolley Næst á dagskrá eru hins vegar landsleikir en Sara átti sinn þátt í því að Ísland skyldi vinna Evrópumót smáþjóða síðasta sumar. Eftir þrjár vikur spilar Ísland svo á nýju móti sem heitir Silfurdeildin, þar sem spilað verður á þremur helgum. „Þarna keppum við á móti liðum sem eru nær okkar getustigi. Við keppum eina helgi á Íslandi, gegn Lettlandi og Ungverjalandi, og förum svo til Portúgals þar sem við mætum Portúgal og Svartfjallalandi, og endum svo í Georgíu þar sem við keppum við Georgíu og Lúxemborg. Næst á dagskrá er samt bara að fagna því að hafa unnið titilinn,“ segir Sara létt. Blak Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Hélt að Arnar væri að djóka í sér: „Maður var í smá sjokki“ Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Stólarnir búnir að semja við „DNA-ið í félaginu“ Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Tönnin slegin úr henni og var svo bannað að koma aftur inn á völlinn Umdeildur öryggisvörður fær stuðning frá Haaland Dagskráin: Formúla 1, pílukast í Bandaríkjunum og tvö golfmót Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Hetja Blika með þrennu af bekknum: „Allir jafn mikilvægir“ Svarar ekki Óskari Hrafni: „Ég tala bara úti á velli, ekki eftir á“ Færeyingar töpuðu eftir tvíframlengdan leik ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Eva Margrét sjöunda á EM Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Forsetabikarinn rann Íslandi úr greipum Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni Sjá meira
Holte hafði þurft að sætta sig við tap í bikarúrslitaleik liðanna í febrúar. Sara og liðsfélagar hennar voru því í hefndarhug í einvíginu um danska meistaratitilinn, höfðu unnið tvo leiki og þurftu einn sigur í viðbót þegar liðin mættust í Kaupmannahöfn á sunnudaginn. Þar lenti lið Holte hins vegar í stórri holu, og með ólíkindum hvernig liðið bjargaði sér en þar munaði miklu um Söru. „Allt í smá þoku“ „Þær unnu frekar stórt fyrstu tvær hrinurnar og voru mikið yfir í þriðju hrinunni, 18-12 og 19-14, og það sást alveg á okkar liði. Það voru allar bara: „ohh, sjitt, við erum að fara til Aarhus aftur“. Ég var alla vega farinn að hugsa það. En svo fæ ég að fara inn á. Þetta er allt í smá þoku en við náðum að rífa okkur í gang og jafna í 19-19, og vinna hrinuna 25-23. Þá fann ég að liðið var komið í gang og þetta rúllaði vel eftir það,“ segir Sara í samtali við Vísi. „Ótrúlega sætt að vinna þær“ Holte vann svo fjórðu hrinuna af öryggi og oddahrinuna 15-9, sem tryggði liðinu gullverðlaunin. Sannarlega mögnuð endurkoma. View this post on Instagram A post shared by ᴠᴏʟʟᴇʏʙᴀʟʟ ᴅᴀɴᴍᴀʀᴋ (@volleyballdanmark) „Það virtust allar svona aðeins hafa misst trúna á tímabili en við erum búnar að vinna mikið í hugarfarinu og ég held að það hafi hjálpað mikið. Við tölum oft um það að „refuse to lose“, neita að tapa, og höfðum þetta á þrjóskunni og viljanum til að klára þetta á heimavelli. Þetta var ótrúlega sætt. Við urðum bikarmeistarar í fyrra en töpuðum svo í bikarúrslitaleiknum í ár, gegn þessu sama liði. Þetta eru mjög jöfn lið og alltaf ótrúlega mikil spenna á milli okkar, þannig að það var ótrúlega sætt að vinna þær,“ segir Sara. Brá þegar þjálfarinn kallaði á hana Rétt eins og í bikarúrslitaleiknum í fyrra var hún valin maður leiksins á sunnudaginn. Skín íslenska landsliðskonan alltaf skærast í stærstu leikjunum? „Þetta er dálítið fyndið því ég er búin að vera að berjast fyrir því að fá meiri spilatíma og það er mjög mismunandi hvað ég spila mikið. Ég spila miðju og við erum þrjár mjög sterkar þar, svo þetta er mikil samkeppni. Ég hef fengið að spila slatta mikið í vetur en eftir bikarúrslitaleikinn í febrúar hefur hann minnkað, og ég hafði eiginlega ekkert spilað í þessari úrslitakeppni. Svo í gær kallaði þjálfarinn allt í einu á mig, og mér brá svolítið því ég var ekkert að búast við því að fá að fara inn á miðað við síðustu leiki. En ég fékk mikið hrós frá fólki í stúkunni sem sagði að það hefði séð miklar breytingar þegar ég kom inn á. Liðið hefði fengið mikinn kraft og orku, en á sama tíma ró. Ég var mjög ánægð með þetta hrós. Ég er greinilega góð í að koma inn á í svona stórum leikjum og snúa þeim við,“ segir Sara hlæjandi. Sara Ósk Stefánsdóttir fyrir miðju, komin með gullmedalíuna um hálsinn sem danskur meistari.Mynd/@danskvolley Landsleikir í Silfurdeildinni Samhliða blakinu sinnir Sara sjúkraþjálfunarnámi sem hún hóf í febrúar. Hún spilaði fyrir HK hér á landi en ákvað sumarið 2021 að flytja til Danmerkur og spilaði fyrst í Óðinsvéum, áður en hún skipti yfir til Holte. Þar var Sara að klára sitt annað tímabil. „Ég veit ekki enn hvað ég geri varðandi næsta tímabil. Mér finnst líklegt að ég verði áfram í Holte en ég ætla að skoða það og ræða við þjálfarann áður en ég tek endanlega ákvörðun.“ Sara Ósk Stefánsdóttir átti frábæra innkomu í leikinn sem tryggði Holte danska meistaratitilinn.Mynd/@danskvolley Næst á dagskrá eru hins vegar landsleikir en Sara átti sinn þátt í því að Ísland skyldi vinna Evrópumót smáþjóða síðasta sumar. Eftir þrjár vikur spilar Ísland svo á nýju móti sem heitir Silfurdeildin, þar sem spilað verður á þremur helgum. „Þarna keppum við á móti liðum sem eru nær okkar getustigi. Við keppum eina helgi á Íslandi, gegn Lettlandi og Ungverjalandi, og förum svo til Portúgals þar sem við mætum Portúgal og Svartfjallalandi, og endum svo í Georgíu þar sem við keppum við Georgíu og Lúxemborg. Næst á dagskrá er samt bara að fagna því að hafa unnið titilinn,“ segir Sara létt.
Blak Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Hélt að Arnar væri að djóka í sér: „Maður var í smá sjokki“ Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Stólarnir búnir að semja við „DNA-ið í félaginu“ Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Tönnin slegin úr henni og var svo bannað að koma aftur inn á völlinn Umdeildur öryggisvörður fær stuðning frá Haaland Dagskráin: Formúla 1, pílukast í Bandaríkjunum og tvö golfmót Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Hetja Blika með þrennu af bekknum: „Allir jafn mikilvægir“ Svarar ekki Óskari Hrafni: „Ég tala bara úti á velli, ekki eftir á“ Færeyingar töpuðu eftir tvíframlengdan leik ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Eva Margrét sjöunda á EM Heldur ekki áfram með Leicester Uppgjörið: Serbía - Ísland 1-3 | Allt klappað og klárt fyrir EM Glódís byrjar gegn Serbum á þrjátíu ára afmælisdegi sínum Sjáðu ótrúlegt slysamark gegn fyrstu mótherjum Íslands á EM Obbekjær hentaði Blikum ekki og fer aftur til Færeyja Forsetabikarinn rann Íslandi úr greipum Liðsfélagi hjá AGF sannfærði Mikael um að semja við Djurgården Fotios spilar 42 ára með Fjölni Sjá meira