Mörkin úr Meistara­deildinni: Há­kon gegn Arsenal, dramatík og ó­vænt úr­slit

Arsenal vann 3-0 sigur á Lille á Emirates leikvanginum í gær. Eftir frekar jafnan fyrri hálfleikk tóku Skytturnar öll völd á vellinum í þeim seinni og röðuðu inn mörkum á stuttum kafla leiksins. Hákon Arnar Haraldsson var í byrjunarliði Lille og spilaði allan leikinn. Arsenal með fullt hús stiga eftir tvær umferðir. Lille án stiga.

Í Madríd sigldu heimamenn í Atletico Madrid heim 2-0 sigri gegn lánlausu liði Manchester United. Fyrsta markið kom á fyrstu mínútu leiksins. Pablo Barrios sem skoraði það og í seinni hálfleik tryggði Ademola Lookmann 2-0 sigur Atletico skömmu eftir að Leny Yoro hafði verið rekinn af velli í liði Manchester United. Bæði lið með þrjú stig af sex mögulegum eftir fyrstu tvö leiki sína. 

Börsungar lentu undir í Tyrklandi gegn Galatasaray en röðuðu svo inn mörkum og unnu að lokum 4-1 sigur og eru með fullt hús stiga sem stendur. 

Það voru síðan óvænt úrslit á dagskrá deildarinnar líka.

Club Brugge vann 4-3 útisigur gegn ítalska stórliðinu Inter Milan sem byrjar Meistaradeildina mjög illa og er án stiga eftir fyrstu tvo leiki sína. 

Í Noregi áttu sér svo stað ein óvæntustu úrslit þessa tímabils þegar að Noregsmeistarar Viking gerðu 3-3 jafntefli gegn þýska stórveldinu Bayern Munchen. Viking hafði komist 2-0 yfir í leiknum en Bæjarar sneru honum sér í vil. Jöfnunarmarkið var dramatísk í meira lagi hjá Norðmönnunum, kom undir lok leiks. Amin Cosic var allan tímann á varamannabekk Viking.

Mörkin úr öðrum leikjum má sjá hér fyrir neðan: