Kjartan meiddist illa og verður lengi frá

Brann greinir frá þessu í tilkynningu en Kjartan hefur nú þegar farið í aðgerð vegna meiðslanna sem hann varð fyrir á æfingu með undir 21 árs landsliði Íslands og verður frá næstu mánuðina. 

„Hann meiddist alvarlega á hné og upp kom atvik á æfingu í gær. Rannsóknir urðu til þess að Kjartan þurfti að gangast undir aðgerð í gær. Aðgerðin gekk vel og er endurhæfing nú hafin. Við búumst hins vegar við að tímabilinu sé lokið hjá honum,“ segir í tilkynningu Brann.

Kjartan gekk í raðir Brann frá Aberdeen í sumar og var hluti af íslenska undir 21 árs landsliðinu sem tryggði sér sæti í umspili fyrir EM á dögunum. Íslands mun þar mæta Grikklandi í einvígi um laust sæti á EM.