Lægð nálgast landið úr austri

Austanlands má þó búast við nær samfelldri slyddu eða snjókomu fram eftir degi. Hiti verður yfir daginn í kringum eitt stig norðaustanlands en allt að 12 stigum suðvestantil.

Fram kemur í hugleiðingum veðurfræðings að á morgun verði austan strekkingur syðst á landinu, sunnudag, annars hægari vindur. Búsat má við stöku skúrum víða um land og gæti gert stöku skúrir á höfuðborgarsvæðinu, en lengst af þurrt og bjart á Norðvestur- og Vesturlandi. Þá hlýnar heldur í veðri.

Á vef Vegagerðarinnar, umferdin.is, kemur fram að greiðfært er um nærri allt land en þó snjóþekja og krapi á einhverjum fjallvegum og heiðum.

Veðurhorfur á landinu næstu daga

Á sunnudag:

Austan 5-10 m/s, en 10-15 syðst. Stöku skúrir, en víða þurrt og bjart á Norðvestur- og Vesturlandi. Hiti 2 til 12 stig, hlýjast suðvestantil.

Á mánudag og þriðjudag:

Norðaustan og norðan 3-10. Skýjað og úrkomulítið, en bjart með köflum um landið sunnanvert. Hiti 2 til 11 stig að deginum, svalast norðaustanlands.

Á miðvikudag:

Suðlæg átt og rigning vestanlands, annars þurrt og bjart að mestu. Hiti 4 til 9 stig.

Á fimmtudag:

Suðvestanátt og víða þurrt og bjart, en skýjað vestantil. Hiti breytist lítið.

Á föstudag:

Útlit fyrir suðvestanátt með vætu um landið vestanvert, en þurrt á Austurlandi. Hiti svipaður áfram.