Bucks lík­lega án beggja ofur­stjarna sinna í leik fjögur

Bucks kom haltrandi inn í úrslitakeppnina en Giannis Antetokounmpo hefur verið fjarri góðu gamni vegna meiðsla. Það hefur sést á leik Bucks sem er 2-1 undir í einvíginu þegar þremur leikjum er lokið.

Þriðji leikur liðanna fór alla leið í framlengingu en þar var Lillard á annarri löppinni vegna meiðsla á hásin. Þar skoraði Tyrese Haliburton sigurkörfu Indiana þegar 1,6 sekúnda var eftir af leiknum.

Hinn 33 ára gamli Lillard skoraði engu að síður 28 stig og gaf 8 stoðsendingar í leiknum en verður að öllum líkindum einnig fjarri góðu gamni þegar Buks og Pacers mætast að nýju á mánudaginn kemur, þann 29. apríl.