Ósáttir karlar flautuðu á Fríðu Kolbeinn Tumi Daðason skrifar 29. apríl 2024 10:07 Frá Reykjavíkurmaraþoninu árið 1984. Reykjavíkurmaraþon Íslandsbanka fagnar 40 ára afmæli í ár og í tilefni þess verður öllu til tjaldað til að gera hlaupið sem glæsilegast. Þá verður því einnig fagnað að 40 ár eru liðin frá því að Fríða Bjarnadóttir hljóp fyrst íslenskra kvenna maraþon á Íslandi. Ári fyrr hafði henni verið meinuð þátttaka, því hún var kona. „Reykjavíkurmaraþonið hefur frá upphafi verið stærsta og fjölmennasta hlaupið á Íslandi enda geta öll tekið þátt. Í ár fögnum við ekki bara 40 ára afmæli hlaupsins heldur einnig þeim stóru og smáu skrefum sem stigin hafa verið í átt að bættu samfélagi,” segir Hrefna Hlín Sveinbjörnsdóttir, hjá ÍBR og viðburðastjóri Reykjavíkurmaraþons Íslandsbanka. „Vonandi náum við líka að bæta áheitametið sem var sett í fyrra þegar 199 milljónir króna söfnuðust - sem allar runnu til góðra málefna.” Gríðarleg ásókn hefur verið í hlaupið en í fyrra voru 11.307 hlauparar á öllum aldri skráðir til þátttöku - 5.766 konur, 5.483 karlmenn og 12 kvár. Hugmyndin að laða að fleiri ferðamenn „Ferðaskrifstofan Úrval hefur ákveðið að fara nýjar leiðir í ferðaþjónustu á næsta ári. Ákveðið hefur verið að halda keppni í maraþonhlaupi í Reykjavík í ágúst,” sagði Knútur Óskarsson, sem þá starfaði hjá Ferðaskrifstofunni Úrvali, í viðtali við Morgunblaðið í september árið 1983. Knútur og Steinn Lárusson hjá Flugleiðum áttu hugmyndina að Reykjavíkurmaraþoninu en markmiðið með því var að laða fleiri ferðamenn til Íslands. „Ég tel atburði sem þessa mjög mikilvægan þátt í landkynningu og lengingu ferðamannatímabilsins og efast ekki um, að þeir skila sér inn í auknum ferðamannastraumi hingað til lands,” sagði Knútur jafnframt í viðtalinu. Það er óhætt að segja að hann hafi reynst sannspár. Í fyrsta Reykjavíkurmaraþoninu voru 214 skráðir til þátttöku, 135 Íslendingar og 79 frá öðrum löndum. Síðan þá hefur þátttakendum fjölgað svo um munar og hafa alls 40 þúsund erlendir keppendur tekið þátt. Í fyrra voru erlendu keppendurnir alls frá 84 löndum. Meinað að hlaupa maraþon Fríða Bjarnadóttir hjúkrunarfræðingur var á meðal þátttakenda í fyrsta Reykjavíkurmaraþoninu. Árið 1983 ætlaði hún að taka þátt í maraþonhlaupi sem haldið var á Stór-Reykjavíkursvæðinu en var meinuð þátttaka. Hún var vanur hlaupari og hafði meðal annars hlaupið maraþon í Boston. „Konur áttu bara ekki að vera í svona langhlaupum,” segir Fríða sem varð fyrir aðkasti frá körlum sem var meinilla við að sjá hana á hlaupum. „Þeir flautuðu á mig í bílunum sínum og steyttu hnefann í áttina að mér.” Fríða fékk hins vegar að hlaupa í fyrsta Reykjavíkurmaraþoninu árið 1984 og varð þar með fyrsta íslenska konan til að hlaupa maraþon á Íslandi. Ingunn Benediktsdóttir var þó fyrst íslenskra kvenna til að hlaupa heilt maraþon, í Bandaríkjunum, og Anna Halla Kristjánsdóttir varð önnur. Anna Halla setti Íslandsmet í maraþonhlaupi kvenna árið 1980 sem stóð í 15 ár. Árið 2011 voru í fyrsta skipti fleiri konur skráðar en karlar í hlaupið og hefur það haldist þannig síðan. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu allir aldurshópar og öll getustig að geta fundið eitthvað við sitt hæfi: Maraþon (42,2 km) Hálfmaraþon (21,1 km) 10 km hlaup 3 km skemmtiskokk Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga. Reykjavíkurmaraþon Jafnréttismál Einu sinni var... Mest lesið Býr beint fyrir neðan barnsmóður sína Lífið Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið Sex bestu veitingastaðirnir í Skandinavíu Lífið Klæddist brúðarkjólnum daglega í stúdentsprófunum Tíska og hönnun Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist Saga og Steindi í nýrri gamanþáttaröð Bíó og sjónvarp Kaupa glæsihús frænku Patriks Lífið Ástarleikir á fjölbreyttum stöðum Lífið Berbrjósta og bleikhærðar með byltingu Lífið Fleiri fréttir Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Sjá meira
„Reykjavíkurmaraþonið hefur frá upphafi verið stærsta og fjölmennasta hlaupið á Íslandi enda geta öll tekið þátt. Í ár fögnum við ekki bara 40 ára afmæli hlaupsins heldur einnig þeim stóru og smáu skrefum sem stigin hafa verið í átt að bættu samfélagi,” segir Hrefna Hlín Sveinbjörnsdóttir, hjá ÍBR og viðburðastjóri Reykjavíkurmaraþons Íslandsbanka. „Vonandi náum við líka að bæta áheitametið sem var sett í fyrra þegar 199 milljónir króna söfnuðust - sem allar runnu til góðra málefna.” Gríðarleg ásókn hefur verið í hlaupið en í fyrra voru 11.307 hlauparar á öllum aldri skráðir til þátttöku - 5.766 konur, 5.483 karlmenn og 12 kvár. Hugmyndin að laða að fleiri ferðamenn „Ferðaskrifstofan Úrval hefur ákveðið að fara nýjar leiðir í ferðaþjónustu á næsta ári. Ákveðið hefur verið að halda keppni í maraþonhlaupi í Reykjavík í ágúst,” sagði Knútur Óskarsson, sem þá starfaði hjá Ferðaskrifstofunni Úrvali, í viðtali við Morgunblaðið í september árið 1983. Knútur og Steinn Lárusson hjá Flugleiðum áttu hugmyndina að Reykjavíkurmaraþoninu en markmiðið með því var að laða fleiri ferðamenn til Íslands. „Ég tel atburði sem þessa mjög mikilvægan þátt í landkynningu og lengingu ferðamannatímabilsins og efast ekki um, að þeir skila sér inn í auknum ferðamannastraumi hingað til lands,” sagði Knútur jafnframt í viðtalinu. Það er óhætt að segja að hann hafi reynst sannspár. Í fyrsta Reykjavíkurmaraþoninu voru 214 skráðir til þátttöku, 135 Íslendingar og 79 frá öðrum löndum. Síðan þá hefur þátttakendum fjölgað svo um munar og hafa alls 40 þúsund erlendir keppendur tekið þátt. Í fyrra voru erlendu keppendurnir alls frá 84 löndum. Meinað að hlaupa maraþon Fríða Bjarnadóttir hjúkrunarfræðingur var á meðal þátttakenda í fyrsta Reykjavíkurmaraþoninu. Árið 1983 ætlaði hún að taka þátt í maraþonhlaupi sem haldið var á Stór-Reykjavíkursvæðinu en var meinuð þátttaka. Hún var vanur hlaupari og hafði meðal annars hlaupið maraþon í Boston. „Konur áttu bara ekki að vera í svona langhlaupum,” segir Fríða sem varð fyrir aðkasti frá körlum sem var meinilla við að sjá hana á hlaupum. „Þeir flautuðu á mig í bílunum sínum og steyttu hnefann í áttina að mér.” Fríða fékk hins vegar að hlaupa í fyrsta Reykjavíkurmaraþoninu árið 1984 og varð þar með fyrsta íslenska konan til að hlaupa maraþon á Íslandi. Ingunn Benediktsdóttir var þó fyrst íslenskra kvenna til að hlaupa heilt maraþon, í Bandaríkjunum, og Anna Halla Kristjánsdóttir varð önnur. Anna Halla setti Íslandsmet í maraþonhlaupi kvenna árið 1980 sem stóð í 15 ár. Árið 2011 voru í fyrsta skipti fleiri konur skráðar en karlar í hlaupið og hefur það haldist þannig síðan. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu allir aldurshópar og öll getustig að geta fundið eitthvað við sitt hæfi: Maraþon (42,2 km) Hálfmaraþon (21,1 km) 10 km hlaup 3 km skemmtiskokk Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga.
Reykjavíkurmaraþon Jafnréttismál Einu sinni var... Mest lesið Býr beint fyrir neðan barnsmóður sína Lífið Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið Sex bestu veitingastaðirnir í Skandinavíu Lífið Klæddist brúðarkjólnum daglega í stúdentsprófunum Tíska og hönnun Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist Saga og Steindi í nýrri gamanþáttaröð Bíó og sjónvarp Kaupa glæsihús frænku Patriks Lífið Ástarleikir á fjölbreyttum stöðum Lífið Berbrjósta og bleikhærðar með byltingu Lífið Fleiri fréttir Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist