Leggja upp laupana í Lundúnum

Sigurður Bjarnason framkvæmdastjóri Hamborgarabúllunnar staðfestir lokunina í samtali við Vísi.

„Leigusamningurinn var að renna út. Við tókum ákvörðun um að halda þessum rekstri ekki áfram,“ segir Sigurður. Spurður hvernig reksturinn hafi gengið á þessum tiltekna stað segir hann:

„Þetta var þannig að við vildum ekki halda áfram á þessum stað. Þetta gekk ekkert sérstaklega vel á þessari staðsetningu. Þannig að við skipuleggjum þetta eitthvað í framhaldinu, en það getur vel verið að við finnum betri staðsetningu í þessu hverfi. Það verður bara að koma í ljós.“

Búllan rekur annan stað í London í Marylebone hverfinu. Þá eru búllur opnar í Kaupmannahöfn og Berlín.