Keflavík
Tindastóll
Haukar
Grindavík
„Þetta var án efa besti dagur lífs míns,“ segir áhrifavaldurinn Guðrún Svava Egilsdóttir, betur þekkt sem Gugga í gúmmíbát, sem fagnaði 21 árs afmæli sínu með stæl um helgina á skemmtistaðnum Hax. Patrik, Issi, HubbaBubba og DJ Bjarni K voru meðal tónlistaratriða og að sjálfsögðu var gúmmíbátur á svæðinu.
„Það var svo gaman að halda upp á 21 ára afmælið mitt með öllum vinum mínum. Afmælið mitt er heilagur dagur fyrir mér og ég þarf alltaf að fagna vel. Svo er það bara að toppa sig á næsta ári,“ segir Gugga í samtali við blaðamann.
Gestir voru sumir hverjir í bol með andliti Guggu sem á stóð: Gugga í gúmmíbát. Gestir dönsuðu fram eftir kvöldi og gúmmíbáturinn sló í gegn.
Hér má sjá vel valdar myndir frá kvöldinu:
