Hlátur og grátur á Ljósvíkingum

Þar á meðal var forseti Íslands Halla Tómasdóttir og eiginmaður hennar Björn Skúlason. Vel fór á með gestum og var mikið hlegið og grátið. Aðstandendur myndarinnar segja að fólk hafi verið himinlifandi að sýningu lokinni.

Ljósvíkingar fjallar um æskuvinina Hjalta og Björn sem reka fiskveitingastað í sínum heimabæ yfir sumartímann. Þá dreymir um að geta haft opið allt árið um kring og þegar óvænt tækifæri þess efnis bankar upp á, tilkynnir Björn vini sínum að hún sé trans kona og muni framvegis heita Birna. 

Þessar breytingar reyna á vináttuna og þurfa þau bæði að horfast í augu við lífið á nýjan hátt til þess að bjarga því sem mestu máli skiptir. Með helstu hlutverk fara Björn Jörundur Friðbjörnsson, Arna Magnea Danks, Vigdís Hafliðadóttir, Sara Dögg Ásgeirsdóttir, Ólafía Hrönn Jónsdóttir og Helgi Björnsson.

Myndin er að langstærstum hluta tekin á Ísafirði þar sem persónulegar sögur fléttast inn í ferðamannaflaum og komu skemmtiskipa til bæjarins.