Hill byrjaði nefnilega daginn á því að vera handtekinn fyrir utan leikvanginn. Það sem meira er að hann var snúinn niður í jörðina og handjárnaður fyrir framan fólk sem var á leið á leikinn. Ótrúlegar senur.
Hill var stoppaður fyrir hraðakstur fyrir utan leikvanginn en á síðan að hafa verið með kjaft og stæla við lögreglumanninn. Hann heldur sakleysi sínu fram og atvikið minnir mikið þegar kylfingurinn Scottie Scheffler var handtekinn fyrir annan daginn á PGA meistaramótinu. Þær ákærur voru seinna felldar niður.
-
Úrslitin úr NFL deildinni í gær:
- Pittsburgh Steelers 18-10 Atlanta Falcons
- Arizona Cardinals 28-34 Buffalo Bills
- Tennessee Titans 17-24 Chicago Bears
- New England Patriots 16-10 Cincinnati Bengals
- Houston Texans 29-27 Indianapolis Colts
- Jacksonville Jaguars 17-20 Miami Dolphins
- Carolina Panthers 10-47 New Orleans Saints
- Minnesota Vikings 28-6 New York Giants
- Las Vegas Raiders 10-22 Los Angeles Chargers
- Denver Broncos 20-26 Seattle Seahawks
- Dallas Cowboys 33-17 Cleveland Browns
- Washington Commanders 20-37 Tampa Bay Buccaneers
- Los Angeles Rams 20-26 Detroit Lions
- Green Bay Packers 29-34 Philadelphia Eagles
- Baltimore Ravens 20-27 Kansas City Chiefs
Tveir liðsfélagar Hill voru á svæðinu og reyndu að miðla málum. Lögreglan fór með Hill upp á lögreglustöð en honum var síðan sleppt. Lögreglan í Miami hefur sett lögreglumanninn, sem handtók Hill, í tímabundið leyfi á meðan málið verður rannsakað.
Hill var þrátt fyrir þetta mættur í slaginn tveimur klukkutímum síðar þegar leikurinn hófst.
Hann átti síðan eftir að skora frábært snertimark þegar hann sýndi enn á ný stórbrotinn hraða sinn og hæfileika.
Það sem vakti líka athygli er að Hill fagnaði snertimarkinu sínu með því að þykjast vera handjárnaður fyrir aftan bak. Svo kom liðsfélagi hans og leiddi hann í burtu eins og lögreglumaður. Hann hafði húmor fyrir öllu saman.
Það má sjá það hér fyrir neðan en myndbandið sést ef flett er tvisvar.
