Foreldrar margoft kvartað undan hættulegum gatnamótum Elín Margrét Böðvarsdóttir skrifar 29. september 2024 19:21 Birta Sif Arnardóttir og Erna Hrund Hermannsdóttir, íbúar í Vogabyggð og mæður í hverfinu segja slysið í gærkvöldi ýta enn frekar undir áhyggjur íbúa. skjáskot Íbúar í Vogahverfi hafa ítrekað gert athugasemdir við hættuleg gatnamót við Sæbraut þar sem banaslys varð seint í gærkvöldi. Foreldrar hafa áhyggjur af börnum sem sækja skóla og frístundir yfir götuna og skora á borgarstjórn að kynna sér aðstæður. Banaslysið varð á Sæbraut, á gatnamótunum milli Skeiðarvogs og Kleppsmýrarvegar, þegar fólksbíll ók á gangandi vegfaranda sem var á leið yfir götuna. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins, en þeir sem kunna að hafa verið vitni að slysinu eða aðdraganda þess eru hvattir til að hafa samband við lögreglu. Íbúar í hverfinu hafa lengi haft áhyggjur af umferðaröryggi við gatnamótin, sem meðal annars var fréttaefni fyrir tveimur árum. „Það má kalla þetta bara dauðagildru. Bara ég, konan mín og börnin hafa lent í því að það var næstum keyrt á okkur hérna,“ sagði Heimir Freyr Hlöðversson, íbúi í Vogabyggð í kvöldfréttum Stöðvar 2 í september 2022. Erna Hrund Hermannsdóttir og Birta Sif Arnardóttir, íbúar í Vogabyggð og mæður í hverfinu segja slysið í gærkvöldi ýta enn frekar undir áhyggjur íbúa. Léleg lýsing, stutt gönguljós og mikill hraði „Þetta eru ofboðslega illa upplýst gatnamót. Hér keyra líka strætisvagnar á mjög miklum hraða. Við höfum líka sent pósta til Strætó til að kvartað undan hraða hjá þeim. Hér er mikið af flutningafyrirtækjum eins og Eimskip og Samskip þannig að hér eru mjög stórir trukkar sem bara sjá hvorki börn né gangandi vegfarendur,“ segir Erna og Birta tekur í svipaðan streng. Mikil umferð fer um Sæbraut á degi hverjum.Vísir/Elín „Bílstjórar keyra mjög hratt hérna. Gönguljósin eru líka mjög stutt, þú þarft að labba mjög hratt yfir og ef þú ert með börn með þér þá tekur það bara lengri tíma og oftar en ekki þá er bara komið rautt ljós og bílarnir bara bruna áfram,“ segir Birta. Þar að auki skapi það hættu að ekki eru sérstök beygjuljós fyrir umferð sem kemur niður á Sæbraut frá hinum götunum tveimur sem veldur því að gangandi vegfarendur og þeir sem koma akandi til vinstri inn á Sæbraut eru á grænu ljósi á sama tíma. Þá verður gönguljósið ekki grænt nema ýtt sé á takka sem aðeins virki stundum. Börnin fari ekki ein yfir götuna „Ég á þrjú börn og tvö börnin mín þau eru í Langholtsskóla og þau fara hérna nánast yfir á hverjum degi. Þeir eru nýfarnir að fá að fara hérna yfir en það er búið að taka leyfið til baka núna, þeir fá ekki að fara einir hér yfir héðan í frá,“ segir Erna. Þá eigi mörg börn og foreldrar þeirra leið yfir götuna reglulega til að sækja frístundir og þjónustu, en til að mynda sé enginn leikvöllur í Vogahverfinu. Allt slíkt þurfi að sækja yfir götuna. Íbúar hafa áhyggjur af öryggi gangandi vegfarenda í hverfinu.Vísir/Elín Þær og fleiri hafi ítrekað sent bréf til bæði borgaryfirvalda og Vegagerðar og kallað eftir úrbótum. „Við höfum fengið svör en þá er það oftast í þá átt að það er bara sent áfram á næsta, þau ætla að kanna málið og síðan heyrum við bara ekkert meira,“ segir Birta. Borgin bendi á Vegagerðina og Vegagerðin bendi aftur á borgina. „Við höfum persónulega boðið öllum borgarstjórnarmeðlimum að koma og standa hérna með okkur á morgnanna. Við erum tilbúin að bjóða þeim upp á heitt kaffi og horfa hérna á ljósin. Og ég bara segi það, myndi borgarstjóri hleypa barninu sínu hérna einu yfir götuna? Ég er ekkert svo viss um það,“ segir Erna. Umferð Umferðaröryggi Reykjavík Vegagerð Borgarstjórn Slysavarnir Banaslys við Sæbraut Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Banaslysið varð á Sæbraut, á gatnamótunum milli Skeiðarvogs og Kleppsmýrarvegar, þegar fólksbíll ók á gangandi vegfaranda sem var á leið yfir götuna. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins, en þeir sem kunna að hafa verið vitni að slysinu eða aðdraganda þess eru hvattir til að hafa samband við lögreglu. Íbúar í hverfinu hafa lengi haft áhyggjur af umferðaröryggi við gatnamótin, sem meðal annars var fréttaefni fyrir tveimur árum. „Það má kalla þetta bara dauðagildru. Bara ég, konan mín og börnin hafa lent í því að það var næstum keyrt á okkur hérna,“ sagði Heimir Freyr Hlöðversson, íbúi í Vogabyggð í kvöldfréttum Stöðvar 2 í september 2022. Erna Hrund Hermannsdóttir og Birta Sif Arnardóttir, íbúar í Vogabyggð og mæður í hverfinu segja slysið í gærkvöldi ýta enn frekar undir áhyggjur íbúa. Léleg lýsing, stutt gönguljós og mikill hraði „Þetta eru ofboðslega illa upplýst gatnamót. Hér keyra líka strætisvagnar á mjög miklum hraða. Við höfum líka sent pósta til Strætó til að kvartað undan hraða hjá þeim. Hér er mikið af flutningafyrirtækjum eins og Eimskip og Samskip þannig að hér eru mjög stórir trukkar sem bara sjá hvorki börn né gangandi vegfarendur,“ segir Erna og Birta tekur í svipaðan streng. Mikil umferð fer um Sæbraut á degi hverjum.Vísir/Elín „Bílstjórar keyra mjög hratt hérna. Gönguljósin eru líka mjög stutt, þú þarft að labba mjög hratt yfir og ef þú ert með börn með þér þá tekur það bara lengri tíma og oftar en ekki þá er bara komið rautt ljós og bílarnir bara bruna áfram,“ segir Birta. Þar að auki skapi það hættu að ekki eru sérstök beygjuljós fyrir umferð sem kemur niður á Sæbraut frá hinum götunum tveimur sem veldur því að gangandi vegfarendur og þeir sem koma akandi til vinstri inn á Sæbraut eru á grænu ljósi á sama tíma. Þá verður gönguljósið ekki grænt nema ýtt sé á takka sem aðeins virki stundum. Börnin fari ekki ein yfir götuna „Ég á þrjú börn og tvö börnin mín þau eru í Langholtsskóla og þau fara hérna nánast yfir á hverjum degi. Þeir eru nýfarnir að fá að fara hérna yfir en það er búið að taka leyfið til baka núna, þeir fá ekki að fara einir hér yfir héðan í frá,“ segir Erna. Þá eigi mörg börn og foreldrar þeirra leið yfir götuna reglulega til að sækja frístundir og þjónustu, en til að mynda sé enginn leikvöllur í Vogahverfinu. Allt slíkt þurfi að sækja yfir götuna. Íbúar hafa áhyggjur af öryggi gangandi vegfarenda í hverfinu.Vísir/Elín Þær og fleiri hafi ítrekað sent bréf til bæði borgaryfirvalda og Vegagerðar og kallað eftir úrbótum. „Við höfum fengið svör en þá er það oftast í þá átt að það er bara sent áfram á næsta, þau ætla að kanna málið og síðan heyrum við bara ekkert meira,“ segir Birta. Borgin bendi á Vegagerðina og Vegagerðin bendi aftur á borgina. „Við höfum persónulega boðið öllum borgarstjórnarmeðlimum að koma og standa hérna með okkur á morgnanna. Við erum tilbúin að bjóða þeim upp á heitt kaffi og horfa hérna á ljósin. Og ég bara segi það, myndi borgarstjóri hleypa barninu sínu hérna einu yfir götuna? Ég er ekkert svo viss um það,“ segir Erna.
Umferð Umferðaröryggi Reykjavík Vegagerð Borgarstjórn Slysavarnir Banaslys við Sæbraut Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira