Ný eld­hús­lína sem sækir inn­blástur í náttúruna

Hönnunin er liður í þeirri stefnu Kvik að eldhúsið eigi að vera aðlaðandi og þægilegt rými þar sem fjölskyldan getur notið samverustunda í hjarta heimilisins. EVENTO fæst í tveimur fallegum litum Arizona Beige og hvítum möttum lit.

Mjúkir litir og flæðandi form einkenna EVENTO. Hornin eru ekki hefðbundin og hornrétt heldur rúnnuð til að skapa mýkt og minna helst á hönnunarstefnur fyrri tíma í nútímalegum búningi. Margrét Þórhallsdóttir, hönnuður hjá KVIK í Reykjavík, segir að mismunandi eiginleikar EVENTO eldhússins gefi viðskiptavinum tækifæri á að setja eldhúsið í persónulegan búning. „Þannig er til dæmis auðvelt að velja um mismunandi liti í innfeldum gripum og gera þannig ásýndina persónulegri og einstaka fyrir hvern og einn.“

Margrét segir að eldhúsin frá KVIK sameini vanmetin glæsileika og virðingu við náttúruna. „Eins og alltaf eru efnin sem notuð eru í framleiðsluna valin með sjálfbærni og umhverfisvernd í huga. Framhliðarnar eru úr endurunnu MDF efni og yfirborðsfilman er gerð úr endurunnum PET plastflöskum. Þessi samskeytalausa húðun á framhliðunum gerir eldhúsið endingarbetra og slitsterkara.“

Önnur nýjung leit líka dagsins ljós í september, en það er hin geysivinsæla eldhúslína VEDA sem fæst núna í nýrri útgáfu með hringlaga inngreyptum handföngum og rúnnuðum hornum. „Fjölmargar útfærslur og litir af VEDA bjóða upp á endalausa möguleika og þannig hægt að aðlaga að þörfum og smekk hvers og eins.“

Í tilefni af spennandi haustnýjungum efnir KVIK í Reykjavík til sannkallaðrar hönnunarveislu og býður viðskiptavinum 40% afslátt af borðplötum úr vörulínu Kvik með öllum seldum innréttingum í október. Viðskiptavinir geta bókað ókeypis teiknitíma hjá hönnuði (neðst á síðunni) þar sem við komum hugmyndum á framfæri og setjum upp tilboð á sama tíma.

Nánari upplýsingar á rafha.is.