Hlátrarsköll á svartri kómedíu

Með aðalhlutverkin fara leikkonurnar Helga Braga Jónsdóttir og Tanja Björk Ómarsdóttir. Ólöf B. Torfadóttir er leikstjóri og höfundur myndarinnar.

Myndin hverfist um listakonuna Örnu sem er komin með leið á lífinu og ákveður að gera sér topp tíu lista yfir hluti sem hún vill gera áður en hún deyr. Hún heldur af stað í ferðalag þar sem hún hyggst enda á Austfjörðunum.

Um er að ræða stærsta hlutverk Helgu Brögu til þessa í mynd sem er svört kómedía. Allir þekkja Helgu Brögu, sem átt hefur farsælan feril og ein af gersemum kómedíunnar í íslenskri menningarsögu.

Mikill fjöldi gesta lagði leið sína á frumsýninguna í gær þar sem leikarar og aðrir aðstandendur þáttanna fögnuðu saman.