Mourinho: „Dómarinn var al­gjör­lega ó­trú­legur“

Christian Eriksen kom United yfir í leiknum í Istanbúl í gær en Youssef En-Nesyri jafnaði fyrir Fenerbahce. Mourinho fékk að líta rauða spjaldið á 58. mínútu þegar hann mótmælti því að lið hans hefði ekki fengið vítaspyrnu.

„Ég horfði á atvikið. Ég vil ekki tala um það,“ sagði Mourinho í viðtali eftir leikinn í gær.

„Hann sagði mér svolítið ótrúlegt. Á sama tíma gat hann séð það sem gekk á í vítateignum og fylgst með mér á hliðarlínunni. Ég hrósaði honum því hann er algjörlega ótrúlegur. Hann var með annað augað á vítaatvikinu og hitt á mér. Það er útskýringin sem hann gaf mér. Þess vegna er hann einn af bestu dómurum í heimi.“

Fenerbahce er í 14. sæti Evrópudeildarinnar með fimm stig. United er aftur á móti í 21. sætinu og hefur ekki enn unnið leik.