Þing­maður Pírata vill í kæru­nefnd útlendingamála

Þetta kemur fram á vef stjórnarráðsins. Þar segir að dómsmálaráðuneytið hafi nýverið auglýst embættið laust til umsóknar. Sjö umsóknir bárust og eru umsækjendur eftirtaldir:

• Arndís Anna Kristínardóttir Gunnarsdóttir – Lögfræðingur og þingmaður Pírata
• Eduardo Canozo Fontt – Ráðgjafi í innflytjendamálum hjá Vinnumálastofnun
• Garðar Biering – Lögfræðingur hjá kærunefnd útlendingamála
• Gunnar Páll Baldvinsson - doktorsnemi
• Hulda Magnúsdóttir – Lögfræðingur hjá kærunefnd útlendingamála
• Rannveig Stefánsdóttir – Lögfræðingur hjá kærunefnd útlendingamála
• Vera Dögg Guðmundsdóttir – Sviðsstjóri hjá Útlendingastofnun

Sérstök hæfnisnefnd mun fara yfir umsóknirnar og meta hæfni umsækjenda.

Kærunefnd útlendingamála er sjálfstæð stjórnsýslunefnd sem úrskurðar í málum sem til hennar eru kærð á grundvelli útlendingalaga. Eftir lagabreytingar sem gerðar voru fyrr á þessu ári verður nefndin framvegis skipuð þremur nefndarmönnum í fullu starfi, formanni, varaformanni og nefndarmanni.