Þessi voru oftast strikuð út í Reykjavík Vésteinn Örn Pétursson og Bjarki Sigurðsson skrifa 4. desember 2024 17:17 Jakob Frímann Magnússon, Jón Gnarr, Dagur B. Eggertsson og Guðlaugur Þór Þórðarson voru allir með yfir 200 útstrikanir. Dagur var hins vegar í algjörri sérdeild. Vísir Þó nokkrir frambjóðendur til Alþingis í Reykjavíkurkjördæmunum tveimur voru strikaðir út af lista oftar en hundrað sinnum. Guðlaugur Þór Þórðarson var sá oddviti sem oftast var strikaður út, en Jón Gnarr fékk flestar útstrikanir í Reykjavíkurkjördæmi suður. Líkt og áður hefur verið greint frá féll Dagur B. Eggertsson, frambjóðandi Samfylkingarinnar og fyrrverandi borgarstjóri, niður um sæti á lista flokksins í Reykjavík norður. Hann var strikaður út 1.453 sinnum, og færðist úr öðru sæti í það þriðja. Það kemur þó ekki að sök fyrir Dag því maðurinn sem færðist upp fyrir hann á lista, Þórður Snær Júlíusson, hafði áður tilkynnt að hann myndi ekki taka sæti á Alþingi hlyti hann kjör. Dagur situr því fastast í öðru sætinu þrátt fyrir allt. Fyrrverandi borgarstjórar toppa sín kjördæmi Dagur var eini frambjóðandinn í Reykjavíkurkjördæmunum tveimur sem hlaut fleiri en þúsund útstrikanir, og nokkuð langt á undan næsta manni. Hann var þar að auki eini frambjóðandinn í Reykjavík sem færðist niður um sæti vegna útstrikana. Þórður Snær, sem líkt og áður sagði ætlar ekki að taka sæti á þingi, var strikaður út 295 sinnum. Þriðji mest útstrikaði frambjóðandinn kemur einnig úr Reykjavíkurkjördæmi norður, en þó úr öðrum flokki. Það er Jakob Frímann Magnússon, sem var í öðru sæti hjá Miðflokknum, hlaut 262 útstrikanir. Hann komst ekki inn á þing. Jón Gnarr, frambjóðandi Viðreisnar og fyrrverandi borgarstjóri, var sá frambjóðandi í Reykjavíkurkjördæmi suður sem fékk flestar útstrikanir, eða 225 talsins. Því eru útstrikunartopparnir í Reykjavíkurkjördæmunum báðir fyrrverandi borgarstjórar, og voru raunar samherjar í borgarstjórnarmeirihluta árin 2010 til 2014. Guðlaugur útstrikaðasti oddvitinn Guðlaugur Þór Þórðarson, umhverfis-, orku- og loftslagsráðherra og oddviti Sjálfstæðisflokksins í Reykjavík norður, var strikaður út 209 sinnum af sínum kjósendum, og er því sá oddviti í borginni sem oftast var strikaður út. Samráðherra hans og oddviti Sjálfstæðisflokksins í Reykjavík suður, Áslaug Arna Sigurbjörnsdóttir, var strikuð út æði sjaldnar, eða 89 sinnum. Einn frambjóðandi er þó á milli Áslaugar og Guðlaugs á listanum. Það er Pawel Bartoszek, sem var í öðru sæti Viðreisnar í Reykjavíkurkjördæmi norður. Íbúar á Norðurlandi vestra ekki útstrikunarglaðir Norðvesturland er með fæsta þingmenn, einungis sjö talsins. Fimm flokkar fengu einn mann inn en Flokkur fólksins fékk tvo. Einn af þremur jöfnunarþingmönnum þeirra, Lilja Rafney Magnúsdóttir, er þar. Íbúar þar voru ekki mikið að strika út. Stefán Vagn Stefánsson, þingmaður Framsóknarflokksins, var efstur með 61 útstrikun. Þar á eftir kom Lilja Rafney með 23. Hér fyrir neðan má sjá lista með útstrikunum efstu frambjóðanda í þessum þremur kjördæmum. Reykjavík norður: Viðreisn: Hanna Katrín Friðriksson - 14 Pawel Bartoszek - 110 Grímur Grímsson - 31 Sjálfstæðisflokkurinn: Guðlaugur Þór Þórðarson - 209 Diljá Mist Einarsdóttir - 57 Brynjar Níelsson - 64 Flokkur fólksins: Ragnar Þór Ingólfsson - 12 Miðflokkurinn: Sigríður Ásthildur Andersen - 41 Jakob Frímann Magnússon - 262 Samfylkingin: Kristrún Frostadóttir - 49 Dagur B. Eggertsson - 1.453 Þórður Snær Júlíusson - 295 Dagbjört Hákonardóttir - 31 Sigmundur Ernir Rúnarsson - 59 Reykjavík suður: Viðreisn: Þorbjörg Sigríður Gunnlaugsdóttir - 30 Jón Gnarr - 225 Aðalsteinn Leifsson - 17 Diljá Ámundadóttir Zoëga - 15 Sjálfstæðisflokkurinn: Áslaug Arna Sigurbjörnsdóttir - 89 Hildur Sverrisdóttir - 40 Jón Pétur Zimsen - 12 Sigurður Örn Hilmarsson - 6 Tómas Þór Þórðarson - 11 Birna Bragadóttir - 7 Flokkur fólksins: Inga Sæland - 4 Kolbrún Áslaugar Baldursdóttir - 13 Rúnar Sigurjónsson - 2 Helga Þórðardóttir - 1 Miðflokkurinn: Snorri Másson - 33 Þorsteinn Sæmundsson - 17 Fjóla Hrund Björnsdóttir - 8 Samfylkingin: Jóhann Páll Jóhannsson - 35 Ragna Sigurðardóttir - 3 Kristján Þórður Snæbjarnarson - 17 Sigurþóra Steinunn Bergsdóttir - 1 Vilborg Kristín Oddsdóttir - 2 Birgir Þórarinsson - 4 Norðvesturkjördæmi: Framsóknarflokkurinn: Stefán Vagn Stefánsson - 61 Viðreisn: María Rut Kristinsdóttir - 1 Sjálfstæðisflokkurinn: Ólafur Adolfsson - 9 Flokkur fólksins: Eyjólfur Ármannsson - 2 Lilja Rafney Magnúsdóttir - 23 Miðflokkurinn: Ingibjörg Davíðsdóttir - 4 Samfylkingin: Arna Lára Jónsdóttir - 11 Reykjavík Alþingiskosningar 2024 Flokkur fólksins Viðreisn Samfylkingin Sjálfstæðisflokkurinn Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Hópslagsmál og hundaárás Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Fleiri fréttir Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Sjá meira
Líkt og áður hefur verið greint frá féll Dagur B. Eggertsson, frambjóðandi Samfylkingarinnar og fyrrverandi borgarstjóri, niður um sæti á lista flokksins í Reykjavík norður. Hann var strikaður út 1.453 sinnum, og færðist úr öðru sæti í það þriðja. Það kemur þó ekki að sök fyrir Dag því maðurinn sem færðist upp fyrir hann á lista, Þórður Snær Júlíusson, hafði áður tilkynnt að hann myndi ekki taka sæti á Alþingi hlyti hann kjör. Dagur situr því fastast í öðru sætinu þrátt fyrir allt. Fyrrverandi borgarstjórar toppa sín kjördæmi Dagur var eini frambjóðandinn í Reykjavíkurkjördæmunum tveimur sem hlaut fleiri en þúsund útstrikanir, og nokkuð langt á undan næsta manni. Hann var þar að auki eini frambjóðandinn í Reykjavík sem færðist niður um sæti vegna útstrikana. Þórður Snær, sem líkt og áður sagði ætlar ekki að taka sæti á þingi, var strikaður út 295 sinnum. Þriðji mest útstrikaði frambjóðandinn kemur einnig úr Reykjavíkurkjördæmi norður, en þó úr öðrum flokki. Það er Jakob Frímann Magnússon, sem var í öðru sæti hjá Miðflokknum, hlaut 262 útstrikanir. Hann komst ekki inn á þing. Jón Gnarr, frambjóðandi Viðreisnar og fyrrverandi borgarstjóri, var sá frambjóðandi í Reykjavíkurkjördæmi suður sem fékk flestar útstrikanir, eða 225 talsins. Því eru útstrikunartopparnir í Reykjavíkurkjördæmunum báðir fyrrverandi borgarstjórar, og voru raunar samherjar í borgarstjórnarmeirihluta árin 2010 til 2014. Guðlaugur útstrikaðasti oddvitinn Guðlaugur Þór Þórðarson, umhverfis-, orku- og loftslagsráðherra og oddviti Sjálfstæðisflokksins í Reykjavík norður, var strikaður út 209 sinnum af sínum kjósendum, og er því sá oddviti í borginni sem oftast var strikaður út. Samráðherra hans og oddviti Sjálfstæðisflokksins í Reykjavík suður, Áslaug Arna Sigurbjörnsdóttir, var strikuð út æði sjaldnar, eða 89 sinnum. Einn frambjóðandi er þó á milli Áslaugar og Guðlaugs á listanum. Það er Pawel Bartoszek, sem var í öðru sæti Viðreisnar í Reykjavíkurkjördæmi norður. Íbúar á Norðurlandi vestra ekki útstrikunarglaðir Norðvesturland er með fæsta þingmenn, einungis sjö talsins. Fimm flokkar fengu einn mann inn en Flokkur fólksins fékk tvo. Einn af þremur jöfnunarþingmönnum þeirra, Lilja Rafney Magnúsdóttir, er þar. Íbúar þar voru ekki mikið að strika út. Stefán Vagn Stefánsson, þingmaður Framsóknarflokksins, var efstur með 61 útstrikun. Þar á eftir kom Lilja Rafney með 23. Hér fyrir neðan má sjá lista með útstrikunum efstu frambjóðanda í þessum þremur kjördæmum. Reykjavík norður: Viðreisn: Hanna Katrín Friðriksson - 14 Pawel Bartoszek - 110 Grímur Grímsson - 31 Sjálfstæðisflokkurinn: Guðlaugur Þór Þórðarson - 209 Diljá Mist Einarsdóttir - 57 Brynjar Níelsson - 64 Flokkur fólksins: Ragnar Þór Ingólfsson - 12 Miðflokkurinn: Sigríður Ásthildur Andersen - 41 Jakob Frímann Magnússon - 262 Samfylkingin: Kristrún Frostadóttir - 49 Dagur B. Eggertsson - 1.453 Þórður Snær Júlíusson - 295 Dagbjört Hákonardóttir - 31 Sigmundur Ernir Rúnarsson - 59 Reykjavík suður: Viðreisn: Þorbjörg Sigríður Gunnlaugsdóttir - 30 Jón Gnarr - 225 Aðalsteinn Leifsson - 17 Diljá Ámundadóttir Zoëga - 15 Sjálfstæðisflokkurinn: Áslaug Arna Sigurbjörnsdóttir - 89 Hildur Sverrisdóttir - 40 Jón Pétur Zimsen - 12 Sigurður Örn Hilmarsson - 6 Tómas Þór Þórðarson - 11 Birna Bragadóttir - 7 Flokkur fólksins: Inga Sæland - 4 Kolbrún Áslaugar Baldursdóttir - 13 Rúnar Sigurjónsson - 2 Helga Þórðardóttir - 1 Miðflokkurinn: Snorri Másson - 33 Þorsteinn Sæmundsson - 17 Fjóla Hrund Björnsdóttir - 8 Samfylkingin: Jóhann Páll Jóhannsson - 35 Ragna Sigurðardóttir - 3 Kristján Þórður Snæbjarnarson - 17 Sigurþóra Steinunn Bergsdóttir - 1 Vilborg Kristín Oddsdóttir - 2 Birgir Þórarinsson - 4 Norðvesturkjördæmi: Framsóknarflokkurinn: Stefán Vagn Stefánsson - 61 Viðreisn: María Rut Kristinsdóttir - 1 Sjálfstæðisflokkurinn: Ólafur Adolfsson - 9 Flokkur fólksins: Eyjólfur Ármannsson - 2 Lilja Rafney Magnúsdóttir - 23 Miðflokkurinn: Ingibjörg Davíðsdóttir - 4 Samfylkingin: Arna Lára Jónsdóttir - 11
Reykjavík Alþingiskosningar 2024 Flokkur fólksins Viðreisn Samfylkingin Sjálfstæðisflokkurinn Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Hópslagsmál og hundaárás Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Fleiri fréttir Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Sjá meira