„Allt tal um baktjaldamakk er tóm þvæla“ Magnús Jochum Pálsson skrifar 29. desember 2024 10:51 Andrea svarar gagnrýnisröddum og vísar tali um baktjaldamakk til föðurhúsanna. Vísir/Vilhelm/Aðsend Formaður utanríkismálanefndar Sjálfstæðisflokksins gefur lítið fyrir gagnrýni flokksfélaga á mögulega frestun landsfundar flokksins fram í haust. Allt tal um baktjaldamakk sé þvæla og jafnvel grunnskólabörn viti hvernig tíðarfarið sé í febrúar. Andrea Sigurðardóttir, fréttastjóri viðskiptaritstjórnar hjá Morgunblaðinu, formaður Hvatar, félags sjálfstæðiskvenna í Reykjavík og formaður utanríkismálanefndar flokksins, skrifaði færslu á Facebook í gær undir yfirskriftinni „Veðuráhugamanni svarað“. Með færslunni er kort af Íslandi í febrúar 2022 þar sem landið er undirlagt veðurviðvörunum. Andrea virðist vera að svara Daníel Hjörvari Guðmundsson, stjórnarmanni SUS, sem skrifaði skoðanagreinina „Veðurstofa Sjálfstæðisflokksins frestar fundi“ á Vísi í gær. Daníel hæddist þar að hugmyndum um að fresta landsfundinum af veðurfarslegum ástæðum og sagði lygasöguna um paradísina sem er íslenska haustið ekki nógu góða. Veðuráhugamanni svarað Andrea hefur pistill sinn á að árétta að formenn málefnanefnda ráði engu um það hvenær landsfundur Sjálfstæðisflokksins sé haldinn. Rétt eins og aðrir flokksmenn geti þeir hins vegar haft á því skoðun. Hún segir að þegar ákveðið var að halda landsfund í febrúar 2025 hafi sennilega flestir reiknað með kosningum í vor. Þegar undirbúningur fyrir landsfundinn hófst hafi tímalínan verið „nokkuð þétt, en vel viðráðanleg“ en svo hafi komið til óvæntra kosninga í lok nóvember. Allir hafi lagst á eitt í baráttunni. „Greinilegt er að baráttuhugur er enn í mönnum, og jafnvel svo mikill í sumum að þeir mála skrattann á vegginn til þess eins að geta tuðað í honum,“ skrifar hún. Þegar þráðurinn hafi verið tekinn upp aftur eftir kosningar hafi verið ljóst að tímalínan væri orðin mjög brött hvað varðar þá fresti sem skipulagsreglur geri ráð fyrir. Hún hafi því viðrað þá hugmynd að heppilegra væri að seinka fundinum fram á vor til þess að geta betur undirbúið hann. „Gefa fólki sem hefur unnið hörðum höndum í baráttunni um leið smá andrými áður en næsta törn hefst,“ skrifar hún. „Þar sem minni líkur væru nú á kosningum í vor lægi varla svo mikið á fundinum.“ Fiskarnir hans Jens og flest grunnskólabörn þekki tíðarfarið Andrea segir mikilvægt að landsfundur verði haldinn sem fyrst en þó með eðlilegri tímalínu. Henni hafi því hugnast vorið vel og haustið til vara ef ekki væri unnt að tryggja aðstöðu undir svo stóran fund með þeim fyrirvara. „Undir þau sjónarmið hafa margir tekið (og aðrir ekki) en meðal annars hefur verið rætt um að vor eða haust sé eflaust hentugri tímasetning fyrir landsbyggðina, þar sem veðurguðirnir eru almennt blíðlyndari á þeim árstíma,“ skrifar hún. Andrea lét þetta kort af Íslandi fylgja með færslunni. Í byrjun febrúar 2022 var rauð viðvörun vegna veðurs á höfuðborgarsvæðinu, Suðurlandi og í Faxaflóa. Appelsínugular viðvaranir voru á hinum hlutum landsins.Veðurstofan „Sú vangavelta var nú aldrei neitt aðalatriði í umræðunni, en maður slær svo sem ekki hendinni á móti því að fá veðurfræðigráðu afhenta í opinberri umræðu fyrir jafn augljósa ályktun. Eflaust er óhætt að fullyrða að fiskarnir hans Jens kannist við þetta árstíðafar hér á landi – jafnvel flest grunnskólabörn,“ skrifar hún og vísar þar beint í háðsleg skrif Daníels um spádómsfiska Jens Garðars Helgasonar. Hún segir síðan að ef menn vilji keyra á landsfund í febrúar þá standi ekki á henni í þeim efnum. Sjálfstæðismenn fengju þó meira út úr fundinum ef hann yrði haldinn með vorinu eða hausti til vara. „Það er þó aðallega af öðrum ástæðum en fleiri sólarstundum og lægri tíðni veðurviðvaranna, þótt það sé vissulega skemmtilegra líka,“ segir hún að lokum. Þykir miður að vinnuskjali sé lekið Hún lætur þó ekki færsluna duga eina og sér og skrifar ummæli við hana. „Best að bæta við þetta að allt tal um baktjaldamakk er tóm þvæla. Þetta eru eðlilegar umræður um tímalínu í hópi fólks sem stýrir mikilvægum hluta undirbúningsvinnu fyrir fundinn,“ skrifar hún þar og vísar greinilega í orð Bessíar Jóhannsdóttur, formanns Samtaka eldri sjálfstæðismanna. Andrea segir einnig í ummælunum að bréf frá formönnum málefnanefnda sem einhverjir fjölmiðlar hafi undir höndum sé í drögum og enn eigi eftir að taka tillit til athugasemda við það. „Umræðu um þetta meðal formanna málefnanefnda er ekki lokið. Hins vegar þykir mér miður að vinnuskjali sem þessu sé lekið og látið líta út fyrir að hér sé um fullmótaða ályktun að ræða,“ skrifar hún. Sjálfstæðisflokkurinn Reykjavík Veður Landsfundur Sjálfstæðisflokksins 2025 Mest lesið Stöðugleiki norðlægrar hringrásar skammgóður vermir fyrir Ísland Innlent Titringur í hreppnum vegna lögheimilisflutninga Innlent Kröfur kvennaárs komnar í innheimtu og gjalddaginn fallinn Innlent Halla tekur sér frí og vill að karlmenn axli ábyrgð Innlent Engin lausn og ákveðin sjálfsblekking að banna börnum að nota tölvuleiki Innlent Sigmundur seinn: „Er þingmaðurinn í salnum?“ Innlent Leggur viðskiptaþvinganir á rússneska olíurisa Erlent Embættismenn sitji að hámarki í fjórtán ár og aðstoðarmenn hætti fyrir kosningar Innlent Rannsaka „glæfraleg“ svikabrigsl fyrir andlát skákmeistarans unga Erlent „Ég skoðanakúgaði sjálfa mig í þágu friðar og þæginda félagslega“ Innlent Fleiri fréttir Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Sjá meira
Andrea Sigurðardóttir, fréttastjóri viðskiptaritstjórnar hjá Morgunblaðinu, formaður Hvatar, félags sjálfstæðiskvenna í Reykjavík og formaður utanríkismálanefndar flokksins, skrifaði færslu á Facebook í gær undir yfirskriftinni „Veðuráhugamanni svarað“. Með færslunni er kort af Íslandi í febrúar 2022 þar sem landið er undirlagt veðurviðvörunum. Andrea virðist vera að svara Daníel Hjörvari Guðmundsson, stjórnarmanni SUS, sem skrifaði skoðanagreinina „Veðurstofa Sjálfstæðisflokksins frestar fundi“ á Vísi í gær. Daníel hæddist þar að hugmyndum um að fresta landsfundinum af veðurfarslegum ástæðum og sagði lygasöguna um paradísina sem er íslenska haustið ekki nógu góða. Veðuráhugamanni svarað Andrea hefur pistill sinn á að árétta að formenn málefnanefnda ráði engu um það hvenær landsfundur Sjálfstæðisflokksins sé haldinn. Rétt eins og aðrir flokksmenn geti þeir hins vegar haft á því skoðun. Hún segir að þegar ákveðið var að halda landsfund í febrúar 2025 hafi sennilega flestir reiknað með kosningum í vor. Þegar undirbúningur fyrir landsfundinn hófst hafi tímalínan verið „nokkuð þétt, en vel viðráðanleg“ en svo hafi komið til óvæntra kosninga í lok nóvember. Allir hafi lagst á eitt í baráttunni. „Greinilegt er að baráttuhugur er enn í mönnum, og jafnvel svo mikill í sumum að þeir mála skrattann á vegginn til þess eins að geta tuðað í honum,“ skrifar hún. Þegar þráðurinn hafi verið tekinn upp aftur eftir kosningar hafi verið ljóst að tímalínan væri orðin mjög brött hvað varðar þá fresti sem skipulagsreglur geri ráð fyrir. Hún hafi því viðrað þá hugmynd að heppilegra væri að seinka fundinum fram á vor til þess að geta betur undirbúið hann. „Gefa fólki sem hefur unnið hörðum höndum í baráttunni um leið smá andrými áður en næsta törn hefst,“ skrifar hún. „Þar sem minni líkur væru nú á kosningum í vor lægi varla svo mikið á fundinum.“ Fiskarnir hans Jens og flest grunnskólabörn þekki tíðarfarið Andrea segir mikilvægt að landsfundur verði haldinn sem fyrst en þó með eðlilegri tímalínu. Henni hafi því hugnast vorið vel og haustið til vara ef ekki væri unnt að tryggja aðstöðu undir svo stóran fund með þeim fyrirvara. „Undir þau sjónarmið hafa margir tekið (og aðrir ekki) en meðal annars hefur verið rætt um að vor eða haust sé eflaust hentugri tímasetning fyrir landsbyggðina, þar sem veðurguðirnir eru almennt blíðlyndari á þeim árstíma,“ skrifar hún. Andrea lét þetta kort af Íslandi fylgja með færslunni. Í byrjun febrúar 2022 var rauð viðvörun vegna veðurs á höfuðborgarsvæðinu, Suðurlandi og í Faxaflóa. Appelsínugular viðvaranir voru á hinum hlutum landsins.Veðurstofan „Sú vangavelta var nú aldrei neitt aðalatriði í umræðunni, en maður slær svo sem ekki hendinni á móti því að fá veðurfræðigráðu afhenta í opinberri umræðu fyrir jafn augljósa ályktun. Eflaust er óhætt að fullyrða að fiskarnir hans Jens kannist við þetta árstíðafar hér á landi – jafnvel flest grunnskólabörn,“ skrifar hún og vísar þar beint í háðsleg skrif Daníels um spádómsfiska Jens Garðars Helgasonar. Hún segir síðan að ef menn vilji keyra á landsfund í febrúar þá standi ekki á henni í þeim efnum. Sjálfstæðismenn fengju þó meira út úr fundinum ef hann yrði haldinn með vorinu eða hausti til vara. „Það er þó aðallega af öðrum ástæðum en fleiri sólarstundum og lægri tíðni veðurviðvaranna, þótt það sé vissulega skemmtilegra líka,“ segir hún að lokum. Þykir miður að vinnuskjali sé lekið Hún lætur þó ekki færsluna duga eina og sér og skrifar ummæli við hana. „Best að bæta við þetta að allt tal um baktjaldamakk er tóm þvæla. Þetta eru eðlilegar umræður um tímalínu í hópi fólks sem stýrir mikilvægum hluta undirbúningsvinnu fyrir fundinn,“ skrifar hún þar og vísar greinilega í orð Bessíar Jóhannsdóttur, formanns Samtaka eldri sjálfstæðismanna. Andrea segir einnig í ummælunum að bréf frá formönnum málefnanefnda sem einhverjir fjölmiðlar hafi undir höndum sé í drögum og enn eigi eftir að taka tillit til athugasemda við það. „Umræðu um þetta meðal formanna málefnanefnda er ekki lokið. Hins vegar þykir mér miður að vinnuskjali sem þessu sé lekið og látið líta út fyrir að hér sé um fullmótaða ályktun að ræða,“ skrifar hún.
Sjálfstæðisflokkurinn Reykjavík Veður Landsfundur Sjálfstæðisflokksins 2025 Mest lesið Stöðugleiki norðlægrar hringrásar skammgóður vermir fyrir Ísland Innlent Titringur í hreppnum vegna lögheimilisflutninga Innlent Kröfur kvennaárs komnar í innheimtu og gjalddaginn fallinn Innlent Halla tekur sér frí og vill að karlmenn axli ábyrgð Innlent Engin lausn og ákveðin sjálfsblekking að banna börnum að nota tölvuleiki Innlent Sigmundur seinn: „Er þingmaðurinn í salnum?“ Innlent Leggur viðskiptaþvinganir á rússneska olíurisa Erlent Embættismenn sitji að hámarki í fjórtán ár og aðstoðarmenn hætti fyrir kosningar Innlent Rannsaka „glæfraleg“ svikabrigsl fyrir andlát skákmeistarans unga Erlent „Ég skoðanakúgaði sjálfa mig í þágu friðar og þæginda félagslega“ Innlent Fleiri fréttir Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Sjá meira