Snerting skaut Deadpool ref fyrir rass 2024 Oddur Ævar Gunnarsson skrifar 7. janúar 2025 15:21 Egill Ólafsson í hlutverki Kristófers í kvikmyndinni Snerting. Lilja Jóns Tekjuhæsta mynd ársins 2024 í íslenskum kvikmyndahúsum var íslenska kvikmyndin Snerting í leikstjórn Baltasars Kormáks. Næst tekjuhæsta myndin var Hollywood ofurhetjumyndin Deadpool & Wolverine. Þetta kemur fram í tilkynningu frá Félagi rétthafa í sjónvarps og kvikmyndaiðnaði, FRÍSK. Þar kemur fram að Snerting hafi halað inn yfir hundrað milljónum króna í miðasölu en tæplega 45 þúsund kvikmyndahúsagestir mættu í bíó til að sjá stórleik Egils Ólafssonar. Myndin er gerð eftir metsölubók Ólafs Jóhanns Ólafssonar. Fram kemur í tilkynningu FRÍSK að myndin hafi hlotið frábæra dóma og sé á stuttlista Óskarsverðlaunahátíðarinnar yfir bestu myndirnar í flokki erlendra kvikmynda. Í öðru sæti er svo eins og áður segir ofurhetjumyndin Deadpool & Wolverine sem dró kvikmyndagesti að en þar mátti sjá tvær af vinsælustu ofurhetjum heims sameinast á hvíta tjaldinu. Kvikmyndin þénaði yfir 97 milljónir króna en yfir 50 þúsund manns fóru í kvikmyndahús til að sjá ofurhetjurnar tvær sameinast í baráttu sinni gegn illum öflum. Tvær aðrar íslenskar myndir á lista Í þriðja sæti listans var það svo teiknimyndin hugljúfa, Inside Out 2. Kvikmyndin sem kemur frá framleiðslufyrirtækinu Disney / Pixar þótti ekkert gefa fyrri myndinni eftir og fangaði hug og hjörtu kvikmyndagesta út um heim allan. Inside Out 2 þénaði yfir 85 milljónir króna hérlendis ásamt því að taka á móti rúmlega 55 þúsund manns í kvikmyndahúsum landsins. Ásamt Snertingu rötuðu tvær aðrar íslenskar kvikmyndir i inn á listann yfir 20 tekjuhæstu kvikmyndir ársins en 12 íslensk verk voru sýnd í kvikmyndahúsum á árinu. Kvikmyndin Ljósvíkingar í leikstjórn Snævars Sölva Sölvasonar, komst í 10. sæti aðsóknarlistans með yfir 38 milljónir króna í tekjur en yfir 17 þúsund manns sáu myndina í kvikmyndahúsum. Rétt á eftir Ljósvíkingum og í 11. sæti aðsóknarlistans var kvikmyndin Fullt hús. Kvikmyndin í leikstjórn Sigurjóns Kjartansson þénaði tæpar 36 milljónir króna þar sem yfir 17 þúsund manns sáu myndina. Heildartekjur af íslenskum verkum á árinu voru rúmar 217 milljónir króna samanborið við rúmar 285 milljónir króna árið 2023. Bíó og sjónvarp Fréttir ársins 2024 Mest lesið Brynjar skiptir Aroni út Lífið Ævintýralegur sumarfögnuður í Haukadal Lífið Harry Potter leikari tekur aftur við hlutverki sínu Lífið Endanlega búið spil hjá Johnson og Martin Lífið Hraustustu hjón Garðabæjar selja glæsihýsi Lífið „Okkur var ekkert cancelað, nema hann bara gerði það sjálfur“ Tónlist Unga fólkið sækir í svissnesk TAG Heuer Lífið samstarf Vanvirkar fjölskyldur og hlutverkin sem skilja eftir sár Lífið Svona hljómar Himinn og jörð í flutningi Svölu Lífið Romeo Beckham og Kim Turnbull sögð hætt saman Lífið Fleiri fréttir Nýju Harry, Ron og Hermione fundin Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Sjá meira
Þetta kemur fram í tilkynningu frá Félagi rétthafa í sjónvarps og kvikmyndaiðnaði, FRÍSK. Þar kemur fram að Snerting hafi halað inn yfir hundrað milljónum króna í miðasölu en tæplega 45 þúsund kvikmyndahúsagestir mættu í bíó til að sjá stórleik Egils Ólafssonar. Myndin er gerð eftir metsölubók Ólafs Jóhanns Ólafssonar. Fram kemur í tilkynningu FRÍSK að myndin hafi hlotið frábæra dóma og sé á stuttlista Óskarsverðlaunahátíðarinnar yfir bestu myndirnar í flokki erlendra kvikmynda. Í öðru sæti er svo eins og áður segir ofurhetjumyndin Deadpool & Wolverine sem dró kvikmyndagesti að en þar mátti sjá tvær af vinsælustu ofurhetjum heims sameinast á hvíta tjaldinu. Kvikmyndin þénaði yfir 97 milljónir króna en yfir 50 þúsund manns fóru í kvikmyndahús til að sjá ofurhetjurnar tvær sameinast í baráttu sinni gegn illum öflum. Tvær aðrar íslenskar myndir á lista Í þriðja sæti listans var það svo teiknimyndin hugljúfa, Inside Out 2. Kvikmyndin sem kemur frá framleiðslufyrirtækinu Disney / Pixar þótti ekkert gefa fyrri myndinni eftir og fangaði hug og hjörtu kvikmyndagesta út um heim allan. Inside Out 2 þénaði yfir 85 milljónir króna hérlendis ásamt því að taka á móti rúmlega 55 þúsund manns í kvikmyndahúsum landsins. Ásamt Snertingu rötuðu tvær aðrar íslenskar kvikmyndir i inn á listann yfir 20 tekjuhæstu kvikmyndir ársins en 12 íslensk verk voru sýnd í kvikmyndahúsum á árinu. Kvikmyndin Ljósvíkingar í leikstjórn Snævars Sölva Sölvasonar, komst í 10. sæti aðsóknarlistans með yfir 38 milljónir króna í tekjur en yfir 17 þúsund manns sáu myndina í kvikmyndahúsum. Rétt á eftir Ljósvíkingum og í 11. sæti aðsóknarlistans var kvikmyndin Fullt hús. Kvikmyndin í leikstjórn Sigurjóns Kjartansson þénaði tæpar 36 milljónir króna þar sem yfir 17 þúsund manns sáu myndina. Heildartekjur af íslenskum verkum á árinu voru rúmar 217 milljónir króna samanborið við rúmar 285 milljónir króna árið 2023.
Bíó og sjónvarp Fréttir ársins 2024 Mest lesið Brynjar skiptir Aroni út Lífið Ævintýralegur sumarfögnuður í Haukadal Lífið Harry Potter leikari tekur aftur við hlutverki sínu Lífið Endanlega búið spil hjá Johnson og Martin Lífið Hraustustu hjón Garðabæjar selja glæsihýsi Lífið „Okkur var ekkert cancelað, nema hann bara gerði það sjálfur“ Tónlist Unga fólkið sækir í svissnesk TAG Heuer Lífið samstarf Vanvirkar fjölskyldur og hlutverkin sem skilja eftir sár Lífið Svona hljómar Himinn og jörð í flutningi Svölu Lífið Romeo Beckham og Kim Turnbull sögð hætt saman Lífið Fleiri fréttir Nýju Harry, Ron og Hermione fundin Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Sjá meira