Hópurinn samanstendur af landsliðskylfingum, atvinnukylfingum og þjálfurum en nú stendur yfir þriggja daga mót hjá hópnum. Annar keppnisdagur var í dag þar sem helmingur hópsins lék á La Finca og helmingur á Lo Romero.
Atvinnukylfingurinn Nick Carlson, úr Golfklúbbi Mosfellsbæjar, náði því ótrúlega afreki að leika Lo Romero völlinn á 58 höggum af öftustu teigum í dag,
Það eru afar fáir sem hafa leikið keppnishringi af öftustu teigum á 59 höggum eða færri, en Birgir Leifur Hafþórsson lék Garðavöll á Akranesi á 58 höggum af næst öftustu teigum árið 2010. Golfsambandið segir frá þessari mögnuðu spilamennsku á miklum sínum.
Nick fékk sjö fugla, fjóra erni og einn skolla á hringnum.
Nick sló beint ofan í holu af 55 metra færi á lokaholunni og tryggði sér þar með fjórða örn dagsins. Hann fagnaði líka vel eins og sjá má hér fyrir neðan.
