Sport

Arnar Davíð mætir heitasta keilara heims

Henry Birgir Gunnarsson skrifar
Arnar Davíð er að fara í alvöru verkefni.
Arnar Davíð er að fara í alvöru verkefni.

Arnar Davíð Jónsson er staddur núna í Reno í Bandaríkjunu, að keppa á einu erfiðasta móti heims, World Series of Bowling. Þetta er eitt stærsta mótið í Bandaríkjunum og stendur það í í rúmar þrjár vikur.

Spilað er í fjórum mismunandi olíuburðum. Scorpion, Viper, Shark og Cheetah. Spilaðir eru tólf leikir í hverjum olíuburði í tveimur sex leikja blokkum. Efstu 24 leikmenn, að loknum tólf leikjum, í hverjum olíuburði komast áfram í útsláttarkeppni en efstu átta fara beint í sextán manna úrslit.

Nú er búið að spila í einum olíuburði, Scorpion, og náði Arnar Davíð að koma sér áfram í 24 manna úrslitin á einum pinna.

Í útsláttarkeppninni er leikið maður á mann og þar þarf að vinna þrjá leiki. Arnar mætti Svíanum Robin Noberg og vann hann 3-2 og náði með því að koma sér í sextán manna úrslit.

Hann mætir heitasta keilara heims í dag, EJ Tacket, í sextán manna úrslitum en þau fara fram 16. mars næstkomandi.

Eftir alla fjóru olíuburðina eru svo allir 48 leikirnir teknir saman og fer fjórðungur af leikmönnunum áfram á Heimsmeistaramót PBA.

Í kvöld byrjar Arnar Davíð keppni í Viper olíuburðinum og byrjar hann að spila klukkan 22.30 á íslenskum tíma og er hægt að fylgast með hér.

Úrslit og staða eru svo hér.




Fleiri fréttir

Sjá meira


×