Há­gæða rúmfatnaður fyrir lúxussvefn

35 til 70% afsláttur af hágæða rúmfötum. Margar tegundir af virkilega fallegum gæða rúmfötum en Björn Þór Heiðdal, eigandi rúmfataverslunarinnar segist vilja að sem flestir eigi kost á að sofa undir glæsilegum hágæða rúmfatnaði á góðu verði.

„Við kaupum rúmföt frá Kína, Ítalíu, Þýskalandi, Portúgal og Litháen. Silkidamaskið sem við seljum er sérofið fyrir okkur og við erum stolt af að geta boðið efni sem hvergi eru til annarsstaðar. Við veljum munstrið, bómullina og þráðafjöldann sem tryggir gæðin. Fólk getur treyst því að fá góða vöru á góðu verði hjá okkur.  Við höfum opið virka daga milli klukkan 12 og 17.30 og á laugardögum milli klukkan 11 og 15. 

Við kaupum einnig fínustu efni frá Ítalíu, úr sérvalinni egypskri bómull, einn stranga í einu og saumum átta sett úr honum, það eru því ekki margir sem eiga slík sett á Íslandi. Samt eru þau ekki verðlögð miðað við slíka gimsteina því við viljum frekar að fleiri eignist góð rúmföt,“ segir Björn.

Eins og „nótt á Ritz“ í rúminu heima

„Við seljum rúmföt úr samskonar efnum og eru á dýrustu lúxushótelum í heimi, oft nákvæmlega eins rúmföt. Rúmföt sem kóngafólk og milljarðamæringar sofa undir en á verðum sem margir Íslendingar geta leyft sér. 

Eitt efnið sem við höfum keypt frá Ítalíu er nákvæmlega það sama og notað er í rúmfötin á Ritz hótelinu í París þar sem nóttin kostar kr. 390.000,“ segir Björn.

Giza - bómull bætist við

Rúmfatabúðin Rúmföt.is er sex ára gömul og hefur stöðugt aukið úrvalið. Nýlega hóf verslunin að selja rúmföt frá Portúgal úr svokallaðri Giza - 94 bómull sem kemur frá Egyptalandi.

„Portúgal er nefnilega ekki bara þekkt fyrir flottar strendur og golfvelli. Þar er líka hægt að fá allar gerðir af rúmfötum og á verðum sem t.d. Ítalía getur ekki boðið. Við skiptum við tvær verksmiðjur í Portúgal sem sérhæfa sig í lúxus rúmfötum úr langþráða bómull,“ útskýrir Björn.

Léttar sængur og hljóðlátar

Í hillum verslunarinnar er ekki einungis að finna sængurver, lök og koddaver heldur einnig sængur, og það ekkert venjulegar sængur segir Björn.

„Black forest sængurnar okkar eru í algerum sérflokki. Bæði hvað varðar ytra byrði og síðan gæsadúninn sem við veljum í þær. 

En við veljum bara það allra besta og síðan lækkum við álagningu til að halda verðunum niðri. Ytri byrðið er t.d. alltaf svokallað “microcotton” sem er 460-500 þráða efni sem ekki skrjáfar eða heyrist í og gerir sængina léttari en gengur og gerist.“

Næstum eins og silki en má þvo á 60

Lúxus getur þó fylgt fyrirhöfn þegar kemur að þvotti en silki má til dæmis ekki þvo nema á 30 gráðum og ekki setja í þurrkara. Björn er með lausn á því. 

„Við eigum sérstaklega mikið úrval af rúmfötum úr bómullarsatíni og fyrir fólk sem vill bara það besta eigum við 700 þráða og 1000 þráða rúmföt, sem er þá næstum eins og silki, nema miklu praktískara því þau má þvo á 60 gráðum,“ útskýrir Björn. 

Rúmföt.is býður einnig úrval af 300 – 600 þráða rúmfatnaði á frábæru verði og í ýmsum munstrum. „Áprentuðu rúmfötin okkar koma í allskonar mynstrum og eru mjög vinsæl til gjafa. Við mælum með 600 þráða rúmfötunum fyrir alla sem vilja gera sérstaklega vel við sig en 300 þráða rúmfötin eru ekki mikið síðri,“ segir hann.

Í lokin lumar Björn á nokkrum góðum ráðum til að fá rúmfötin rennislétt án þess að strauja.

„Við mælum alltaf með að minnka vindinguna niður fyrir 1000 snúninga og taka rúmfötin strax út og hengja slétt upp. Þá krumpast þau minna. Gott er síðan að brjóta þau saman og hengja þannig upp til að þau þorni bein og strjúka jafnvel aðeins yfir þau með lófanum. Þá þarf ekki að strauja. Það er líka gott að setja rúmfötin í þurrkara í stuttan tíma við lágan hita.“

Rúmföt.is er til húsa á Nýbýlavegi 28. Opið er alla virka daga frá klukkan 12 til 17.30 og á laugardögum frá klukkan 11 til 15.  Nánari upplýsingar í síma: 565 1025.