Íslenski boltinn

Reynslu­mikill Svíi á að styrkja mið­svæði Fram

Runólfur Trausti Þórhallsson skrifar
Tibbling kann vel við sig í bláu.
Tibbling kann vel við sig í bláu. Svein Ove Ekornesvåg / NTB

Hinn þrítugi Simon Hjalmar Friedel Tibbling er við það að ganga í raðir Fram. Á hann að styrkja miðsvæði liðsins í Bestu deild karla í knattspyrnu.

Það er Fótbolti.net sem greinir frá. Þar segir að Tibbling hafi æft með Fram í æfingaferð liðsins á Spáni nýverið. Þá staðfestir Rúnar Kristinsson, þjálfari liðsins, að Tibbling sé við það að semja í Úlfarsárdalnum.

Tibbling lék á sínum tíma 62 leiki fyrir yngri landslið Svíþjóðar. Þá á hann að baki einn A-landsleik.

Hann var síðast á mála hjá Sarpsborg 08 í Noregi en glímdi við mikil meiðsli og vonast til að finna sitt gamla form á ný með Fram. Hann hefur einnig leikið fyrir Bröndby og Randers í Danmörku. Groningen og Emmen í Hollandi ásamt Djurgården í heimalandinu.

Fram tekur á móti ÍA í 1. umferð Bestu deildar karla þann 6. apríl næstkomandi.




Fleiri fréttir

Sjá meira


×