Sport

Khelif óttast ekki Trump: „Þetta hafði djúp­stæð á­hrif á mömmu mína“

Sindri Sverrisson skrifar
Imane Khelif smellir kossi á Ólympíugullið sitt í París.
Imane Khelif smellir kossi á Ólympíugullið sitt í París. AP/John Locher

Hnefaleikakonan Imane Khelif er staðráðin í að verja Ólympíumeistaratitilinn í Bandaríkjunum 2028 og lætur forseta landsins, Donald Trump, ekki ógna sér með sinni stefnu og fölsku fullyrðingum um að hún sé karlmaður.

Hin 25 ára Khelif, sem er frá Alsír, vann til gullverðlauna á Ólympíuleikunum í París síðasta sumar en þurfti um leið að þola alls konar háðsglósur og rangar fullyrðingar um að hún væri karlmaður eða trans kona.

Á meðal þeirra sem breiddu út lygar um Khelif voru rithöfundurinn J.K. Rowling, auðkýfingurinn Elon Musk og núverandi Bandaríkjaforseti Trump sem í kosningabaráttu sinni sagði Khelif vera karlmann sem hefði breytt sér í konu.

„Þau töluðu um mig án þess að hafa staðreyndirnar á hreinu. Það var áfall fyrir mig. Þau töluðu án þess að hafa neinar áreiðanlegar upplýsingar,“ segir Khelif.

Alsírbúar fylgdust spenntir með þegar Imane Khelif keppti um gullverðlaunin á ÓL í París. Hún segir umræðu byggða á röngum upplýsingum um kyn sitt hafa haft mikil áhrif á þjóðina.AP/Anis Belghoul

Trump verður að óbreyttu enn forseti þegar Ólympíuleikarnir í Los Angeles verða haldnir en Khelif segist í einkaviðtali við ITV, sem birt verður í kvöld, ekki hafa neitt að óttast.

„Ég skal tala hreint út. Forseti Bandaríkjanna tók ákvörðun um stefnu varðandi trans fólk í Bandaríkjunum. Ég er ekki trans. Þetta hefur ekki áhrif á mig og veldur mér ekki ótta. Það er svarið mitt,“ segir Khelif í viðtalinu eftir að hafa ítrekað að hún stefni á önnur gullverðlaun í Los Angeles.

Þar segir hún einnig að falsfréttaumræðan í kringum þátttöku hennar á Ólympíuleikunum hafi haft mikil áhrif á fólkið sem standi henni næst.

„Þetta hafði djúpstæð áhrif á mömmu mína. Hún fór á spítalann nánast daglega. Ættingjar mínir fundu einnig fyrir þessu og þetta bitnaði á allri alsírsku þjóðinni. Þetta gekk lengra en að vera eitthvert íþróttamál eða keppni. Þetta þróaðist út í risastóra fjölmiðlaherferð,“ segir Khelif og bætir við að þetta hafi reynst afar erfitt.


Tengdar fréttir

Utan vallar: Þegar mektarfólk lætur sig kvennaíþróttir varða

Stórfurðulegt mál frá Ólympíuleikunum í París er skyndilega eitt það umtalaðasta er varðar íþróttir kvenna í áraraðir. Sjaldan hafa samfélagsmiðlar blásið eins mikið upp í kringum einvígi á íþróttavelli sem stóð í 46 sekúndur. Og umræðan að stóru leyti byggð á ranghugmyndum og ósannindum.

Bann trans kvenna vegna fordóma fremur en öryggis

Stjórnarkona hjá bæði ÍSÍ og jafnréttisnefnd Ólympíunefndar Evrópu segir bann Donalds Trump, Bandaríkjaforseta, við þátttöku trans kvenna í íþróttum áhyggjuefni. Íslenska íþróttahreyfingin eigi að standa með inngildingu fremur en útilokun.

Box­stjórnandi sem hleypti upp Ólympíu­leikum ná­tengdur Kreml

Siðafár sem var búið til í kringum tvær hnefaleikakonur á Ólympíuleikunum í sumar var runnið undan rifjum sambands sem lýtur stjórn rússnesks glæpamanns með náin tengsl við stjórnvöld í Kreml. Rússland var meinuð þátttaka á leikunum og er sagt hafa viljað hleypa þeim upp af þeim sökum.




Fleiri fréttir

Sjá meira


×