Fæðing Ísraels - Líkum mis­þyrmt

Fyrir mörgum árum skrifaði Jón Magnússon frábæra grein um málefni Ísrael. Þar kom fram, að þegar Ísraelsríki var stofnað var ekki gætt að hagsmunum þeirra sem áttu heimili sín í Palestínu.

Í grein Jóns segir frá að áður en Ísraelsríki var stofnað höfðu hryðjuverkasveitir Begins, sem síðar varð forsætisráðherra gyðinga, myrt breska hermenn sofandi í rúmum sínum. Þeir sprengdu líka Hluta hótelsins King David í Jerúsalem og drápu 91 manneskju.

Áfram segir: “Gyðingar réðust á palestínska þorpið Deir Yassin sem er nálægt Jerúsalem þar sem 250 karlar, konur og börn voru drepin og líkum þeirra misþyrmt. Í framhaldi af hermdarverkum gyðinga í Deir Yassin flýðu 750.000 Palestínumenn heimili sitt og land. (flestir til Gaza)

Palestínumenn eru nú í risastóru fangelsi í Ísrael hvort heldur þeir búa á Vesturbakkanum eða Gaza svæðinu. Þeir geta ekki komið, farið eða selt framleiðslu sína nema með leyfi herrastjórnarinnar í Ísrael sem byggir og stjórnar á grundvelli trúarlegrar apartheid stefnu.”

Ísland ber ábyrgð

Síðar í grein Jóns Magnússonar segir orðrétt: “Þessi saga er sorgleg.

Sameinuðu þjóðirnar og þar á meðal við Íslendingar sem greiddum atkvæði með stofnun Ísraelsríkis. Við erum samábyrg því sem þarna hefur gerst og er að gerast. Við getum ekki liðið það að fólk sé svipt mannréttindum og búi við hörmungar áratugum saman og sé ekki virt sem manneskjur. Við berum ábyrgð á örlögum Palestínumanna og okkur ber skylda til að beita okkur fyrir því að Ísraelsmenn fari að alþjóðalögum og virði mannréttindi og sjálfsákvörðunarrétt fólks.

Okkur ber að viðurkenna að allir menn eiga sama rétt og eru jafnmikilvægir og merkilegir. Vandamál Palestínumanna verða ekki leyst nema þar sem þeir eiga heima. Okkur ber skylda til að leggja stóraukna fjármuni til mannúðarstarfs á þessu svæði.”

Jón Magnússon er meðal þeirra sem vara við óhaminni fjölgun fólks, sem hefur öndverð viðhorf til samfélaga eins og okkar Íslendinga.

Þeir benda á að múslímar virða ekki Íslensk lög um jafnrétti kynja -

múslímar bannfæra samkynhneigð og transfólk sem dauðasök - múslímar boða ærumorð innan eigin fjölskyldu - múslímar banna málfrelsi um trú sína - múslímar og gyðingar kenna það sem réttlæti, að lýður sameinist til að refsa fólki og murka úr því lífið með grjótkasti.

Ekkert í trúarboðskap múslíma réttlætir þó glæpaverk stjórnar gyðinga gegn Palestínubúum eða svik Sameinuðu þjóðanna gegn þeim. Íslendingum og þeim þjóðum, sem samþykktu að ræna þá landi sínu og og hrekja þá frá heimilum sínum ber skylda til að láta stöva landtökugyðingana, sem brjóta alþjóðalög og stela nú bújörðum og heimilum Palestínubúa með leyfi ríkisstjórnar Ísrael.

Ísland á að slíta stjórnmálasambandi við Ísrael. Stjórn þeirra hefur kastað frá sér allri mennsku og lagt ofurkapp á að fækka mæðrum og börnum þeirra, sem gætu lifað til að hefna.

Við vitum vel, að það stöðvar ekki hryllinginn að rjúfa stjórnmálasamband en við gætum þá horft framan í heiminn með sjálfsvirðingu og sagt: Við Íslendingar þorðum meðan aðrir hikuðu.

Vera kann að sú ákvörðun verði þá fyrirmynd annarra þjóða eins og þegar Ísland viðurkenndi sjálfstæði Litháen og aðrar þjóðir runnu svo í þá slóð. Það gjörbreytti Evrópu.

Kannski gerist það í framtíðinni eins og í Litháen, að Palestínubúar meitli í stein við þinghús sitt:

“Takk Ísland sem þorði þegar aðrir þögðu”

Höf. Birgir Dýrförð