Til­kynningum um heimilis­of­beldi fjölgar og endurfrumsýning Brúðubílsins

Fimm hafa verið ákærð í tengslum við manndráp í Gufunesi. Hrottalegu ofbeldi er lýst í ákæru, þar sem hinn látni var beittur ofbeldi um margra klukkustunda skeið.

Laun helstu ráðamanna og stjórnenda hjá hinu opinbera hækka um 6,5 prósent næstu mánaðamót. Halla Gunnarsdóttir, formaður VR, bregst við launahækkunum, sem eru langt umfram almennar launahækkanir á vinnumarkaði, í beinni útsendingu.

Ný reiðhöll í Hafnarfirði verður vígð síðdegis, við verðum í beinni frá hátíðarhöldum. Brúðubíllinn frumsýndi í dag eftir fimm ára pásu - Við kíkjum á frumsýninguna.

Helena Ólafsdóttir, knattspyrnusérfræðingur segir ekki annað hægt en að íslenska landsliðið komist upp úr sínum riðli á komandi Evrópumóti. Hún kallar eftir meiri ákefð hjá leikmönnum.

Í Íslandi í dag kíkjum við í morgunkaffi til Regínu Óskar, sem heldur fljótlega kántríball.