Fá Barna­verndar­mál leiða til á­kæru og Herkastalinn í nýjar hendur

Donald Trump Bandaríkjaforseti og Xi Jinping leiðtogi Kína áttu langan símafund í dag, þar sem þeir ræddu tollastríðið. Stefna á saman samninganefndum til að ræða málin.

Dæmi eru um að strandveiðisjómenn séu aftur komnir með kvóta í hendurnar sem þeir höfðu selt dýrum dómum til útgerða. Þingmaður Sjálfstæðisflokksins óttast að hlutirnir þróist þannig að strandveiðipotturinn stækki enn frekar.

Félagið Bergey hefur fest kaup á Herkastalanum í miðborg Reykjavíkur, sem staðið hefur tómur frá því að lögregla fór í umfangsmikla aðgerð vegna máls Quang Le, viðskiptamanns. Rætt verður við Torfa G. Yngvason viðskiptaþróunarstjóra Bergeyjar í beinni útsendingu.

Við verðum í beinni frá hlaðvarpssýningu Fílalags í Austurbæjarbíói og frá fjórföldum útgáfutónleikum í Iðnó.

Íslenska karlalandsliðið í knattspyrnu mætir því skoska í vináttuleik í Glasgow annað kvöld. Farið verður yfir sviðið í íþróttapakkanum.

Og í Íslandi í dag heimsækir Vala Matt þær Lindu Jóhannsdóttur og Elísabetu Gunnarsdóttur, sem eru óhræddar að fara ótroðnar slóðir í innanhússhönnun.

Þetta og margt fleira í kvöldfréttum Stöðvar 2 klukkan hálf sjö.