Innlent

Er­lendur ferða­maður féll í Brúar­á

Kolbeinn Tumi Daðason og Silja Rún Sigurbjörnsdóttir skrifa
Frá Brúará í Bláskógabyggð.
Frá Brúará í Bláskógabyggð. Vísir/KMU

Fjölmennt lið frá björgunarsveitum auk þyrlu Landhelgisgæslunnar var kallað út á fimmta tímanum í dag vegna einstaklings sem féll í ána Brúará við Hlauptungufoss. Einstaklingurinn er fundinn en lögregla hefur ekki veitt neinar upplýsingar um líðan hans. Um er að ræða erlendan ferðamann.

Mbl.is greindi fyrst frá útkallinu. Samkvæmt heimildum Vísis varð alvarlegt slys í eða við ána.

„Það var aðili sem féll í ána þar og það var boðuð straumvatnsbjörgunarsveit og brunavarnir Árnessýslu, sjúkrabílar og lögregla,“ segir Garðar Már Garðarsson, aðalvarðstjóri hjá Lögreglunni á Suðurlandi, í samtali við fréttastofu.

Tilkynning barst lögreglu um korter yfir fjögur síðdegis. Einstaklingurinn er fundinn en Garðar gat ekki tjáð sig um líðan hans. Hann vildi heldur ekki tjá sig um hvort einstaklingurinn hefði verið fluttur með þyrlu Landhelgisgæslunnar, sem var á svæðinu. Að sögn Garðars er um að ræða erlendan ferðamann. 

„Það er verið að ná utan um verkefnin,“ segir Garðar aðspurður hvort aðgerðum á vettvangi sé lokið.

Tvö banaslys hafa orðið í Brúará undanfarin ár. Árið 2022 lést kanadískur ríkisborgara í ánni eftir að hafa komið syni sínum til bjargar sem fallið hafði í ána. Árið 2024 lét Katari um þrítugt sem var á ferðalagi um landið ásamt fjölskyldu sinni.

Fréttin hefur verið uppfærð.

Lögreglumál Ferðaþjónusta Bláskógabyggð Öryggi á ferðamannastöðum

Tengdar fréttir

Maðurinn sem lést í Brúará frá Katar

Maðurinn sem lést í gær þegar hann féll í Hlauptungufoss í Brúará var um þrítugt og frá Katar. Hann var hér á ferðalagi ásamt fjölskyldu sinni þegar slysið varð.

Lést í Brúar­á við að bjarga syni sínum

Karlmaður sem lést eftir að hafa fallið í Brúará í Biskupstungum um miðjan dag í gær var kanadískur ríkisborgari búsettur í Bandaríkjunum. Straumurinn í ánni bar manninn burt eftir að hann hafði komið syni sínum, sem fallið hafði í ána, til bjargar.

Mest lesið


Fleiri fréttir

Sjá meira


×

Mest lesið