Rann­sókn banaslyss í Brúar­á miði vel

„Rannsókninni miðar ágætlega,“ segir Jón Gunnar Þórhallsson, yfirlögregluþjónn hjá lögreglunni á Suðurlandi.

„Það hefur verið rætt við vitni þarna og við erum með nokkuð góða mynd af því sem gerist þarna.“

Hann segist ekki geta farið nánar út í hvað olli því að konan féll í ána en málið er rannsakað sem slys. Fjölmennt lið frá björgunarsveitum auk þyrlu Landhelgisgæslunnar var kallað út á föstudag vegna björgunaraðgerða.

„Það er alls konar sem þarf að gera, það þarf að ræða við fólkið sem var þarna og framkvæma krufningu,“ segir Jón Gunnar.

Lögregla eigi þá í virku samtali við fulltrúa sveitarstjórna á svæðinu.

Tvö banaslys hafa orðið í Brúará undanfarin ár. Árið 2022 lést kanadískur ríkisborgara í ánni eftir að hafa komið syni sínum til bjargar sem fallið hafði í ána. Árið 2024 lést Katari um þrítugt sem var á ferðalagi um landið ásamt fjölskyldu sinni.