Fótbolti

Blikar lentu á móti albönsku meisturunum

Óskar Ófeigur Jónsson skrifar
Blikar mæta sama liði og Víkingar slógu út í fyrra.
Blikar mæta sama liði og Víkingar slógu út í fyrra. Vísir / Diego

Dregið var í hádeginu í fyrstu umferð undankeppni Meistaradeildarinnar í fótbolta en Íslandsmeistarar Breiðabliks voru í pottinum.

Blikar mæta albanska liðinu Egnatia. Fyrri leikurinn fer fram í Albaníu en sá seinni á Íslandi.

Íslandsmeistararnir gátu einnig mætt Inter Club d'Escaldes frá Andorra, FC Differdange frá Lúxemborg, Víkingi frá Færeyjum og Shelbourne frá Írlandi.

Fyrri leikurinn fer fram 8. eða 9. júlí en sá síðari 15. eða 16. júlí næstkomandi.

KF Egnatia Rrogozhinë varð albanskur meistari á síðasta tímabili. Liðið endaði með tveimur stigum meira en Vllaznia og vann titilinn annað árið í röð.

Víkingar slógu albanska liðið út úr annarri umferð undankeppni Sambandsdeildarinnar í fyrra eftir 2-0 sigur úti í Albaníu.

Albanarnir unnu fyrri leikinn á Íslandi 1-0 en Víkingar komu til baka í seinni leiknum.

Meistaradeild Evrópu í fótbolta karla Breiðablik

Mest lesið


Fleiri fréttir

Sjá meira


×

Mest lesið