Óprúttinn aðili rispaði tíu bíla á Sel­tjarnar­nesi

Fram kemur í tilkynningu frá lögreglunni á höfuðborgarsvæðinu að skemmdarvargur hafi rispað alla bílana með einhvers konar áhaldi svo mikið tjón hlaust af.

Lögreglan á höfuðborgarsvæðinu biður þá sem geta veitt upplýsingar um málið að hafa samband við lögreglu í síma 444 1000, en upplýsingum má einnig koma á framfæri í tölvupósti á netfangið gudmundur.petur@lrh.is. Sérstaklega er óskað eftir upplýsingum um mannaferðir á þessum stað á föstudagskvöld.

Þau sem búa á áðurnefndu svæði eða áttu þar leið um á fyrrnefndum tíma eru góðfúslega beðin um að athuga með myndefni hafi þau aðgang að slíku, m.t.t. rannsóknarinnar.

Hér er bæði átt við hefðbundnar eftirlitsmyndavélar og eins upptökur úr bifreiðum, en margar bifreiðar hafa nú slíkan búnað innanborðs.