Vill safna í­búum Gasa í lokaðar búðir og flytja síðan á brott

Hugmyndin er að hleypa um það bil 600 þúsund íbúum inn í búðirnar, að stærstum hluta fólki á vergangi á al-Mawasi svæðinu. Íbúarnir yrðu látnir fara í gegnum öryggiseftirlit og yrði ekki leyft að yfirgefa búðirnar þegar inn væri komið.

Katz sagði lokamarkmiðið að hýsa alla íbúa Gasa í búðunum, þar til þeir yrðu að lokum fluttir á brott frá svæðinu.

Glæpur gegn mannkyninu

Íhaldssamir stjórnmálamenn í Ísrael hafa fagnað mjög hugmyndum Donald Trump Bandaríkjaforseti um að flytja íbúa Gasa á brott og hefja þar uppbyggingu á einhvers konar ferðamannaparadís. Sérfræðingar segja þær hins vegar fel í sér gróf mannréttindabrot.

Þeirra á meðal er Michael Sfard, einn af helstu mannréttindalögfræðingum Ísrael, sem segir áætlanir Katz hreinlega drög að glæpum gegn mannkyninu. 

Benjamin Netanyahu, forsætisráðherra Ísrael, sagði í Hvíta húsinu í gær að Ísrael og Bandaríkin ynnu að „betri framtíð“ fyrir Palestínumenn, í samvinnu við önnur ríki. Fólki yrði heimilað að vera um kyrrt en þeim sem vildu fara yrði gert kleyft að fara. 

Sfard segir hins vegar að undir núverandi kringumstæðum væri á engan hátt hægt að kalla brottflutning fólks „sjálfviljugan“, þar sem íbúar byggju við afar íþyngjandi og erfiðar aðstæður.

„Þegar þú hrekur einhvern frá heimalandi sínu í stríði þá er það stríðsglæpur. Ef það er gert í stórum stíl, eins og hann hefur áætlanir um, þá er það glæpur gegn mannkyninu,“ segir Sfard.

Hér má finna ítarlega umfjöllun Guardian um málið.