Hvetja for­eldra til að bólu­setja börnin sín eftir and­lát vegna mis­linga

Barnið sem lést, samkvæmt umfjöllun The Guardian, var með mislinga auk annarra heilsukvilla og dvaldi því á sjúkrahúsi.

Sífellt færri foreldrar í Bretlandi láta bólusetja börnin sín en í Liverpool hafa einungis 73 prósent barna undir fimm ára aldri fengið nauðsynlegar MMR bólusetningar. Í ákveðnum hlutum Lundúnaborgar eru einungis 65 prósent barna fullbólusett. 95 prósent einstaklinga verða að vera fullbólusettir til að hjarðónæmi fyrir mislingum verði til.

„Þetta er einstaklega sorglegt þegar auðvelt er að koma í veg fyrir sjúkdóminn,“ segir Helen Bedford, prófessor í heilsu barna. „Ekkert barn verður að veikjast af þessum sjúkdómi, hvað þá verða alvarlega veikt eða deyja.“

Oft sé tregða foreldra við að bólusetja börnin sín kennt um fækkun bólusetningarhlutfalla. Hins vegar geti stór hluti vandans verið vegna skorts á upplýsingum um mikilvægi bólusetninga. Erfitt getur verið að fá nægar upplýsingar um hvenær eigi að bólusetja en einnig getur verið erfitt að fá tíma hjá lækni.

„Mikið af þessu er einfalt. Við vitum það að minna foreldra á virki vel því fólk er oft upptekið og svona hlutir gleymast,“ segir Bedford.