Gæti fengið átta milljarða króna

Horner hafði stýrt Red Bull liðinu í tuttugu ár en enginn hefur sinnt slíku starfi lengur í Formúlu 1.

Telegraph skrifar um viðræður Horner og Red Bull Racing um starfslokasamning. Horner var samkvæmt þeirra upplýsingum með samning til loka ársins 2030 eða í fimm og hálft ár til viðbótar.

Horner var launahæsti liðsstjórinn og fékk ellefu prósent launahækkun þegar hann fór úr því að á 8,04 milljónir punda árið 2022 í 8,92 milljónir punda árið 2023 samkvæmt ársskýrslu Red Bull. Telegraph heldur því fram að árslaunin hafi hækka síðan þá. 8,92 milljónir punda eru 1,4 milljarðar króna.

Ef lögfræðingar heimta að fá allan samninginn borgaðan upp þá gæti Horner fengið allt að sextíu milljónum punda vegna brottrekstursins eða um 9,8 milljarða íslenskra króna. 

Talan er svo há vegna þessa að hann gæti enn átt rétt á ýmsum bónusgreiðslum og öðrum aukagreiðslum sé samningur hans skotheldur. Líklegra er að upphæðin verði í kringum fimmtíu milljónir punda eða um 8,2 milljarðar íslenskra króna.

Hneykslismál tengt Horner kom upp fyrir tæpu einu og hálfu ári síðan þegar óviðeigandi skilaboð hans til kvenkyns starfsmanns liðsins fóru í dreifingu. Eftir rannsókn innanbúðar, í tvígang, var Horner sagður hafa gert ekkert af sér og hann hélt starfinu.

Horner er 51 árs gamall og hefur stýrt Red Bull-liðinu frá stofnun þess, árið 2005. Red Bull hefur unnið keppni bílasmiðja sex sinnum og átta sinnum titil ökuþóra í stjórnartíð hans.