Ofur­hugi lést eftir brot­lendingu í svifvængjaflugi

Felix Baumgartner var víðfrægur fallhlífastökkvari og stundaði einnig svifvængjaflug. Árið 2012 varð hann, líkt og fyrr segir, fyrsti maðurinn til að rjúfa hljóðmúrinn án farartækis þegar hann stökk úr 39 kílómetra hæð. Hann náði þar mest 1357 kílómetra hraða.

Ítalskir miðlar greina frá því að við svifvængjaflug í dag missti hann stjórn á svifvæng sínum og hrapaði í sundlaug hótels í strandbænum Porto Sant'Elpidio í Markehéraði.

Kona við hótelið varð fyrir svifvængjunni en er ekki alvarlega slösuð. Orsakir slyssins eru til rannsóknar hjá lögreglunni á svæðinu.

Í myndbandinu hér fyrir neðan er hægt að sjá mann stökkva úr hærri hæð en nokkur annar í sögunni.