Dæmdur fyrir að flytja kratom til landsins

Í ákæru segir að maðurinn hafi flutt efnin í pakka sem var sendur hingað til lands. Tollgæslan stöðvaði og haldlagði efnin í vöruhúsi á Keflavíkurflugvelli í janúar í hitteðfyrra.

Fram kemur að styrkleiki efnana hafi verið 1,2 prósent. Kratom, eða mítragýnín, er unnið úr laufum ákveðinna trjáa. Efnið er sagt valda svipuðum áhrifum og ópíóðar.

Maðurinn játaði skýlaust sök. Hann hlaut líkt og áður segir þriggja mánaða skilorðsbundinn dóm, og þarf að greiða tæplega 300 þúsund krónur í sakarkostnað.