Enski boltinn

Palace á­frýjar og vill spila í Evrópu­deildinni

Runólfur Trausti Þórhallsson skrifar
„UEFA: Siðferðislega gjaldþrota. Afturkallið ákvörðunina núna“
„UEFA: Siðferðislega gjaldþrota. Afturkallið ákvörðunina núna“ Sebastian Frej/Getty Images

Enska úrvalsdeildarfélagið Crystal Palace hefur ákveðið að áfrýja ákvörðun þess efnis að liðið megi ekki spila í Evrópudeildinni þar sem Lyon er nú þegar þar. Félögin eru að hluta til undir sama eignarhaldi.

Bandaríkjamaðurinn John Textor á hlut bæði í Palace og Lyon frá Frakklandi. Þar sem síðarnefnda liðið endaði ofar í sinni deildarkeppni var ákveðið að Palace yrði fært niður í Sambandsdeild Evrópu og Nottingham Forest myndi taka sæti Palace í Evrópudeildinni.

Reglur Knattspyrnusambands Evrópu segja að ekki megi tvö lið undir sama eignarhaldi taka þátt í sömu keppni.

Forráðamenn Crystal Palace eru allt annað sáttir með stöðu mála og hafa áfrýjað til CAS, Alþjóða íþróttadómstólsins.

Í frétt breska ríkisútvarpsins um málið segir að búast megi við niðurstöðu þann 11. ágúst næstkomandi. Deildarkeppni Evrópudeildar hefst þann 24. september.

Fótbolti Evrópudeild UEFA Sambandsdeild Evrópu

Mest lesið


Fleiri fréttir

Sjá meira


×

Mest lesið