James með á æfingu í dag

James fór meidd af velli í undanúrslitaleiknum gegn Ítalíu og kældi á sér ökklann á bekknum eftir skiptinguna. Hún tók þó fullan þátt í æfingu liðsins í dag en Sarina Wiegman, þjálfari enska liðsins, hefur verið mjög íhaldssöm með byrjunarlið sitt á mótinu.

Níu leikmenn liðsins hafa byrjað alla leikina og James er ein af þeim. Nú þarf Wiegman að gera upp við sig hvort James byrji leikinn eða hvort hún vilji eiga hana inni sem varamann ef í harðbakkann slær. Beth Mead eða Chloe Kelly munu væntanlega fá tækifæri í byrjunarliðinu ef James byrjar á bekknum. 

Kelly skoraði sigurmark Englands í leiknum gegn Ítalíu.