Fram­tíð tann­lækninga og gervi­greindar – kynntu þér Oraxs

Fyrirtækið býður nú almenningi í fyrsta sinn að taka þátt í uppbyggingu þess með því að kaupa hlut á frumstigum fjármögnunar í gegnum gegnsætt, einfalt og stafrænt ferli.

„Oraxs er ekki ætlað að taka yfir störf tannlækna heldur vinna með þeim,“ segir Indriði Þröstur Gunnlaugsson, stofnandi ITHG Dental AI. 

„Með því að nýta gervigreind, skýjalausnir og skoða raunverulegar þarfir tannlæknastofa í dag getum við aukið framleiðni, bætt þjónustu og lækkað kostnað. 

Á sama tíma og við gefum tannlæknum verkfæri til að einfalda vinnudaginn og veita betri þjónustu.“

Oraxs: Ný kynslóð hugbúnaðar fyrir tannlæknastofur

Oraxs er alhliða kerfi sem sameinar í einu notendavænu umhverfi allt sem þarf til að reka nútímalega tannlæknastofu, þar með talið bókanir, sjúkraskrár, röntgengreiningu með gervigreind, reikningagerð, rekstrarskýrslur, lagerstýringu og app fyrir sjúklinga. Lausnin hefur verið þróuð í samstarfi við tannlækna og verður prófuð á íslenskum og erlendum tannlæknastofum fyrir útgáfu.

„Fólk heldur oft að svona kerfi séu fyrst og fremst til að létta á tannlæknum en við byrjuðum á sjúklingnum,“ segir Dmitry Torkin, tannlæknir og eigandi stofunnar Tannlæknar Hafnargötu 91, Keflavík. Dmitry er einnig yfirmaður vöruþróunar og hluthafi í ITHG Dental AI.

„Hvernig geta viðtökur, meðferðir og eftirfylgni orðið persónulegri, einfaldari og skilvirkari fyrir fólk? Það var spurningin sem við spurðum okkur. Lausnin auðveldar vissulega vinnu tannlækna en meginmarkmiðið er að bæta upplifun sjúklingsins frá fyrstu bókun til loka meðferðar.“

Nýtt fjármagn – ný nálgun

Í stað þess að fara strax í hefðbundna fjármögnun frá sjóðum og stórum fjárfestum, hefur ITHG Dental AI valið að bjóða almenningi, fagfólki og fjárfestum að vera með frá byrjun. Fjárfestingarfyrirkomulagið hefur þegar vakið athygli fyrir nýbreytni og gæti orðið fordæmi fyrir önnur sprotafyrirtæki. 

„Við viljum að þeir sem trúa á verkefnið fái tækifæri til að verða hluti af því,“ segir Indriði. 

„Fyrstu fjárfestarnir verða ekki einungis hluthafar – þeir verða brautryðjendur nýrrar nálgunar á tannlæknaþjónustu.“

Fagfólk tekur frumkvæðið

Ein fyrsta fjárfestingin kom frá fagfólki í greininni, þeirra sem þekkja rekstur tannlæknastofa best. 

„Ég valdi að fjárfesta í Oraxs því þetta er kerfi sem raunverulega hefur í hyggju að koma til móts við þarfir og óskir okkar tannlækna,“ segir Kristín Gígja Einarsdóttir, tannlæknir og stofnandi Tannvals. 

„Lausnin mun einfalda rekstur, auka yfirsýn og bæta þjónustu – hún mun tala okkar tungumál.“

Áfram út í heim

Lausnin er þegar komin í prófanir og stefnt er að fyrstu útgáfu í lok hausts / byrjun vetrar. Fyrirtækið er að opna skrifstofu í Raleigh, í Norður-Karólínu, og áformar innreið á Bandaríkjamarkað, Norðurlöndin og síðar Evrópu.

„Við byrjum á Íslandi og Norðurlöndunum en síðan tekur við einn stærsti tannlæknamarkaður heims,“ segir Indriði. „Með Oraxs viljum við færa tannlæknum um allan heim sama tækifæri til að vinna með skilvirkari og öflugri hætti og nýta vinnudagana betur.“

Opið fyrir þátttöku - einfalt og rafrænt

Fjárfestingarsíðan er komin í loftið. Þar er hægt að kynna sér verkefnið, skoða skilmála og ganga frá hlutabréfakaupum með rafrænum hætti. Hægt er að fjárfesta með íslenskum kennitölum, sem einstaklingur eða í gegnum fyrirtæki.

Taktu þátt í að skapa framtíðina í tannlækningum – fjárfestu í Oraxs.