Runólfur á toppi tekjulistans yfir launahæstu em­bættis­mennina og for­stjórana

Mikilvægt er að árétta að um er að ræða útsvarsskyldar tekjur á árinu 2024 og þurfa þær ekki að endurspegla föst laun viðkomandi.

Einnig var fjallað um laun Runólfs við sama tilefni fyrir tveimur árum og þá var hann með um 4,5 milljónir í laun. Í samtali við fréttastofu segir Runólfur að hækkunina megi rekja til úttektar á séreignarsparnaði í tengslum við húsnæðismál. Launin séu svipuð og þau voru fyrir tveimur árum, í kringum 4,5 milljónir. 

Næstur á eftir Runólfi á listanum er Einar Mathiesen, fyrrverandi framkvæmdastjóri vinds og jarðvarma Landsvirkjunar, með rúmar sex milljónir á mánuði. Þriðji er svo Hörður Arnarson forstjóri Landsvirkjunar með 4,5 milljónir. Fjórði er Óskar Jósefsson forstjóri Ríkiseigna: Framkvæmdasýslunnar. Fimmta á listanum, og fyrsta konan, er Guðlaug Rakel Jónsdóttir, forstjóri Heilbrigðisstofnunar Suðurnesja.

Aðrir á listanum eru til dæmis Sveinbjörn Indriðason, forstjóri Isavia, með 3,8 milljónir og Sævar Freyr Þráinsson, forstjóri OR, með 3,4 milljónir.

Aðrir sem eru með laun í kringum það eru Tryggvi Gunnarsson, fyrrverandi umboðsmaður Alþingis, með 3,2 milljónir, og Hulda Ragnheiður Árnadóttir, framkvæmdastjóri Náttúruhamfarartrygginga Íslands, með tæpar 3,2 milljónir.

Stefán Eiríksson, útvarpsstjóri, er með tæpar þrjár milljónir í laun samkvæmt Tekjublaðinu, og Haraldur Líndal Haraldsson, ráðgjafi og fyrrverandi bæjarstjóri, er með 2,7 milljónir í laun.

Þá er Bryndís Hlöðversdóttir, ráðuneytisstjóri í forsætisráðuneytinu, með tæpar 2,7 milljónir og nafna hennar Bryndís Hrafnkelsdóttir, forstjóri Happdrættis Háskóla Íslands, með 2,5 milljónir í laun. Þórhildur Ólöf Helgadóttir, forstjóri Póstsins, er einnig með um 2,5 milljónir í laun. Það er Sigrún Ósk Sigurðardóttir, aðstoðarforstjóri ÁTVR, einnig með og Anna Margrét Björnsson, upplýsingafulltrúi hjá franska sendiráðinu.

Gunnar Tryggvason, hafnarstjóri Faxaflóahafna, er samkvæmt Tekjuablaðinu með rúmar 2,4 milljónir og Jóhannes Svavar Rúnarsson, framkvæmdastjóri Strætó, er með 2,3 milljónir. Það er Sigríður Friðjónsdóttir ríkissaksóknari einnig með í laun. Með um 2,2 milljónir eru til dæmis Sigríður Kristinsdóttir, sýslumaður á höfuðborgarsvæðinu og Ragna Árnadóttir, fyrrverandi skrifstofustjóri, sem nú er forstjóri Landsnets.

Um tvær milljónir

Sigríður Björk Guðjónsdóttir ríkislögreglustjóri er með rúmar tvær milljónir í laun og Ástráður Haraldsson ríkissáttasemjari líka. Snorri Olsen ríkisskattstjóri er einnig með um tvær milljónir og Halla Bergþóra Björnsdóttir, lögreglustjóri á höfuðborgarsvæðinu, Svanhildur Konráðsdóttir, forstjóri Hörpu, og Hermann Jónasson, forstjóri HMS.

Ef litið er til þeirra sem eru með minna en tvær milljónir má til dæmis sjá að Ólafur Þór Hauksson, héraðssaksóknari, er með rétt tæpar tvær milljónir og Sigríður Dóra Magnúsdóttir, forstjóri heilsugæslu höfuðborgarsvæðins, og Helgi Magnús Gunnarsson, fyrrverandi vararíkissaksóknari líka.

Forstjóri með lægri laun en aðstoðarforstjóri

Athygli vekur að forstjóri ÁTVR, Ívar J Arndal, sem lætur af störfum síðar á árinu, er með lægri laun, miðað við Tekjublaðið, en aðstoðarforstjórinn, Sigrún Ósk. Hann er skráður með um 1,9 milljónir í laun en hún með 2,5 tæpar.

Á listanum er einnig Fanney Rós Þorsteinsdóttir ríkislögmaður með um 1,9 milljónir og Jón Gunnar Jónsson, forstjóri Samgöngustofu, með 1,9 tæpar milljónir. Úlfar Lúðvíksson, fyrrverandi lögreglustjóri, er einnig skráður á listann með um 1,8 milljónir í laun.

Fréttin hefur verið leiðrétt en fyrst stóð að Haraldur Líndal Haraldsson upplýsingafulltrúi Fjarðabyggðar væri með 2,7 milljónir í laun. Hið rétta er að faðir hans og alnafni er með þessi laun, hann er ráðgjafi og fyrrverandi bæjarstjóri. Leiðrétt klukkan 14:40 þann 19.8.2025.