Bíó og sjónvarp

Saga og Steindi í nýrri gamanþáttaröð

Magnús Jochum Pálsson skrifar
Saga Garðars og Steindi Jr. munu leika þau Karen og Halla í þáttunum Hot Stuff.
Saga Garðars og Steindi Jr. munu leika þau Karen og Halla í þáttunum Hot Stuff. Vísir/Vilhelm

Saga Garðars­dótt­ir og Steinþór Hró­ar Steinþórs­son, betur þekktur sem Steindi Jr., munu fara með aðal­hlut­verk í nýrri gamanþáttaröð sem íslenska framleiðslufyrirtækið Glassriver vinnur að í samstarfi við rúmenska fyrirtækið Idea Film.

Þáttaröðin mun heita Ljúfa Líf, eða Hot Stuff á ensku, samkvæmt tilkynningu frá Glass River og er gam­anþáttaröð sem ger­ist árið 1979 og fjallar um hóp Íslendinga sem fara í frí til Spánar. 

Saga og Steindi leikar aðalpersónurnar Karenu og Halla en þættirnir eru sagðir blanda saman húmor, rómantík og skarpri samfélagsádeilu og tækla þemu á borð við kynjajafnrétti, neysluhyggju og útlendingaandúð. Saga og Steindi hafa áður leikið náið saman í grínþáttunum Draumahöllinni.

Valin atriði úr Draumahöllinni má sjá á sjónvarpsvef Vísis, hér að neðan.

Ragnar Bragason, sem er þekktur fyrir Foreldra, Vakta-seríurnar og Málmhaus, er höfundur þáttanna og skrifar handrit þeirra með Snjólaugu Lúðvíksdóttur, sem skrifaði handrit grínmyndarinnar Saumaklúbbsins og aðra seríu glæpaþátta Stellu Blómkvist.

Þáttaröðin er framleidd fyrir Sýn og hefur kvikmyndastúdíóið Oble keypt réttinn að alþjóðlegri dreifingu hennar.

Kvikmyndagerð á Íslandi Bíó og sjónvarp

Tengdar fréttir

Steindi og Saga í stjörnuprýddum skets um typpalokk

Þættirnir Draumahöllin hófu göngu sína á Stöð 2 þann 27. desember. Um er að ræða sex þátta seríu úr smiðju Sögu Garðarsdóttur, Steinþórs Hróars Steinþórssonar, Steinda Jr. og Magnúsar Leifssonar, sem jafnframt leikstýrir þáttunum.

Frumsýning á Vísi: Steindi og Saga með nýja sketsaseríu um jólin

Grínistarnir Steindi jr og Saga Garðars munu rifja upp gamla takta í sketsaseríunni Draumahöllinni sem verður á dagskrá Stöðvar 2 í desember og janúar. Steindi segist himinlifandi með að komast loksins aftur í að gera sketsaþætti eftir nokkurra ára hlé þó Draumahöllin verði enginn hefðbundinn sketsaþáttur.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.