Banna kennslu­bækur eftir konur í há­skólum landsins

Stjórnvöld sendu út lista yfir 680 bækur í lok ágúst sem háskólum er nú bannað að kenna en þeirra á meðal eru 140 eftir konur. Þar má finna titla á borð við „Öryggi í rannsóknarstofunni“.

Þá eru 310 bækur á listanum ýmist eftir íranska höfunda eða útgefnar í Íran en BBC hefur eftir heimildarmanni sem situr í nefndinni sem samdi listann að yfirvöld vilji freista þess að koma í veg fyrir að íranskt efni læðist inn í námskrár Afganistan.

Prófessor sem miðillinn ræddi við segir hins vegar óttast að erfitt verði að fylla upp í gatið sem brotthvarf bókanna 310 býr til, þar sem bækur eftir íranska höfunda og þýðendur séu aðal brúin milli afganskra háskóla og alþjóðlega menntasamfélagsins.

Talíbanastjórnin teygir sig sífellt lengra í að skerða réttindi kvenna í Afganistan en þeim er nú meðal annars bannað að sækja sér nokkra menntun að loknum grunnskóla.